پەتروپاۆل قالاسىندا قۇرعاق كوبىك-بەتون قوسپالارى زاۋىتىنىڭ ءبىرىنشى كەزەگى ىسكە قوسىلىپ, جۇمىس ىستەي باستادى. ءبىر گەكتارداي اۋماقتى الىپ جاتقان كاسىپورىن ۇدەمەلى يندۋستريالىق-يننوۆاتسيالىق جوبا شەڭبەرىندە جۇزەگە استى. ازىرشە قازاقستاندا تەڭدەسى جوق تەحنولوگيامەن جۇمىس ىستەيتىن قۋاتتى ءوندىرىس ورنى تۇرعىن ءۇي قۇرىلىسى سالاسىنا ساپالى ونىمدەر شىعارۋدى مەجەلەپ وتىر. اتاپ ايتقاندا, مۇندا د-200, د-300, د-500 ماركالى قۇرعاق كوبىك-بەتون قوسپالارى مەن م-600 ماركالى تسەمەنت جاسالادى. كاسىپورىن تولىق قۋاتىندا جۇمىس ىستەگەن جاعدايدا ءونىمنىڭ جىلدىق مولشەرىن 50 مىڭ تونناعا دەيىن جەتكىزۋ بەلگىلەنگەن. قازىر كۇنىنە 30 توننا ءونىم وندىرىلەدى. 40-قا تارتا ادام تۇراقتى جۇمىسپەن قامتىلىپ, جول قۇرىلىسى ءۇشىن بەتون قوسپا جاساۋمەن اينالىسۋدا.
زاۋىتتى سالۋعا قۇرىلتايشىلار 146 ميلليون, “توبىل” اكك 36 ميلليون تەڭگە جۇمسادى.
ءومىر ەسقالي, سولتۇستىك قازاقستان وبلىسى.