27 قاراشا كۇنى استانا ۋاقىتىمەن ساعات 14:27-دە «بايقوڭىر» عارىش ايلاعىنان ۇشقىشتار باسقارعان «سويۋز مس-28» زىمىران-تاسىعىشى ۇشىرىلعان. اتالعان زىمىران-تاسىعىشتىڭ ءبىر بولىگى ۇلىتاۋ وبلىسىنىڭ ەلسىز اۋماعىنان تابىلدى, دەپ جازادى Egemen.kz.
قازىر وقيعا ورنىندا «روسكوسموس» مەملەكەتتىك كورپوراتسياسىنىڭ وكىلدەرى مەن قازاقستان-رەسەي ەكولوگتارى بىرلەسە جۇمىس ىستەپ جاتىر. ماماندار ءتيىستى ەسەپ-قيساپتى جۇرگىزىپ, سىناما العان. الدىن الا جاسالعان قورىتىندىعا ساي قورشاعان ورتاعا بايلانىستى ەكولوگيالىق زالال انىقتالماعان. سونداي-اق تۇرعىندارعا ەشقانداي قاۋىپ ءتونىپ تۇرماعانى بەلگىلى بولدى.
ال ۇلىتاۋدا تابىلعان بولىك زىمىران-تاسىعىشتىڭ مەتالل كونسترۋكتسياسى ەكەنى انىقتالدى.
«روسكوسموس» مەملەكەتتىك كورپوراتسياسى زىمىران-تاسىعىشتىڭ قۇرامداس بولىگىن قالپىنا كەلتىرۋ ءۇشىن قاجەتتى ماتەريالدىق بولشەكتەر جەتكىلىكتى ەكەنىن جانە جاقىن ارادا قالپىنا كەلتىرۋ جۇمىستارى باستالاتىنىن حابارلادى.