ۇجىمدىق قاۋىپسىزدىك شارتى ۇيىمىنىڭ جاڭا باس حاتشىسى تاعايىندالدى. بۇعان دەيىن بۇل قىزمەتتى يمانعالي تاسماعامبەتوۆ اتقارعان ەدى, دەپ جازادى Egemen.kz.
2026 جىلدىڭ 1 قاڭتارىنان باستاپ ءۇش جىل مەرزىمگە قىرعىزستان ازاماتى تاالاتبەك ماسادىكوۆ ۇقشۇ باس حاتشىسى قىزمەتىنە كىرىسەدى. ول – حالىقارالىق قاتىناستار سالاسىنىڭ مامانى, تاجىريبەلى ديپلومات, ۋنيۆەرسيتەت دەڭگەيىندە ءدارىس بەرگەن, سونداي-اق اكىمشىلىك باسقارۋ جانە مەنەدجمەنت باعىتتارىندا جۇمىس ىستەگەن بىلىكتى ساراپشى.
بۇل شەشىم يمانعالي تاسماعامبەتوۆتىڭ باس حاتشى رەتىندەگى وكىلەتتىك مەرزىمىنىڭ اياقتالۋىنا بايلانىستى قابىلداندى. سامميتكە قاتىسقان مەملەكەت باسشىلارى ۇيىمداعى قىزمەتى ءۇشىن يمانعالي تاسماعامبەتوۆكە العىس ءبىلدىردى.