يرلانديا استاناسى دۋبليندە وتكەن XIII Silk Road International Film فەستيۆالىندە وتاندىق اكتەر, كينوستسەناريست ەرلان تولەۋتاي «ۇزدىك اكتەر» نوميناتسياسىن جەڭىپ الدى. بۇل تۋرالى Kazakhcinema سۇيىنشىلەدى, دەپ جازادى Egemen.kz.
اكتەر بۇل ماراپاتقا رەجيسسەر ەلزات ەسكەندىر تۇسىرگەن ء«ابىل» اتتى تولىقمەتراجدى كوركەم فيلمدەگى باستى ءرولى ءۇشىن لايىق دەپ تانىلدى.
ايتا كەتەيىك, قاراشا ايىنىڭ باسىندا پاريجدە وتكەن «فرانتسياداعى قازاق كينولارىنىڭ فەستيۆالىندە» دە قازىلار القاسى ءدال وسى ءرولى ءۇشىن ەرلان تولەۋتايعا «ۇزدىك اكتەر» سىيلىعىن تابىستاعان.
ء«ابىل» تۋىندىسى مادەنيەت جانە اقپارات مينيسترلىگىنىڭ جانە ۇلتتىق كينونى قولداۋ ورتالىعىنىڭ قولداۋىمەن, شاكەن ايمانوۆ اتىنداعى «قازاقفيلم» كينوستۋدياسىندا تۇسىرىلگەن.
«جىبەك جولى» حالىقارالىق كينوفەستيۆالى جىل سايىن وتەتىن مادەني شارا سانالادى. بيىل ول ون ءۇشىنشى رەت ۇيىمداستىرىلىپ, الەمنىڭ ءار ەلىنەن رەجيسسەرلەر, پروديۋسەرلەر جانە كورەرمەندەر قاتىستى. فەستيۆال باعدارلاماسى دۋبليندەگى ترينيتي كوللەدجىندە جانە تاريحي United Arts Club ساحناسىندا ءوتتى.