الماتى وبلىسىندا 15 جاستاعى قىزدىڭ ولىمىنە بايلانىستى قىلمىستىق ءىس قوزعالدى, دەپ جازادى Egemen.kz.
الەۋمەتتىك جەلىدە تالعار اۋدانىنىڭ تۇزدىباستاۋ اۋىلىندا ەر ادام ءوزىنىڭ 15 جاستاعى قىزىن پىشاقتاپ ولتىرگەنى تۋرالى اقپارات تارادى.
الماتى وبلىسىنىڭ پوليتسيا دەپارتامەنتى كىسى ءولتىردى دەگەن كۇدىكپەن تۇزدىباستاۋ اۋىلىنىڭ تۇرعىنى ۇستالعانىن راستادى.
— وتباسى تۋىستارىنىڭ ءبىرى پوليتسياعا 15 جاستاعى ستۋدەنتتىڭ ءمايىتى تابىلعانى تۋرالى حابارلادى. وقيعا ورنىنا كەلگەن پوليتسەيلەر الكوگولدىك ماساڭ كۇيدە بولعان كۇدىكتىنى ۇستادى. سونداي-اق ۇيدەن قىلمىس قۇرالى تاركىلەندى, — دەپ حابارلادى دەپارتامەنتتەن.
قازىر ءتارتىپ ساقشىلارى بۇل دەرەك بويىنشا كىسى ءولتىرۋ بابى بويىنشا قىلمىستىق ءىس قوزعاپ, وقيعانىڭ بارلىق ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىپ جاتىر. ءىس الماتى وبلىسى پوليتسيا دەپارتامەنتى باسشىلىعىنىڭ ەرەكشە باقىلاۋىنا الىندى.