قىتاي, رەسەي جانە ءۇندىستان كەيىنگى 10 جىلدا ورمان القاپتارىنىڭ ءوسىمى بويىنشا كوش باستادى. 2015 جىلدان بەرى ورمان كولەمىن ارتتىرعان ەلدەر دەرەگىن بۇۇ ازىق-ت ۇلىك جانە اۋىل شارۋاشىلىعى ۇيىمى ۇسىندى, دەپ جازادى Egemen.kz.
جاسىل جەلەك كومىرقىشقىل گازىن بويىنا ءسىڭىرىپ, وتتەگى بولەتىنى بەلگىلى. ادامزات ءۇشىن وسىنداي ۇشان-تەڭىز پايداسى بار ورمان القاپتارىنىڭ سانىن ارتتىرۋعا ونداعان ەل دەن قويعان.
وسى ىستەرى وڭ ناتيجە كورسەتىپ وتىرعان 10 ەل قاتارىندا: قىتاي, رەسەي, ءۇندىستان, تۇركيا, اۋستراليا, فرانتسيا, يندونەزيا, وڭتۇستىك افريكا, كانادا, ۆەتنام ەلدەرى بار.
جەكە توقتالساق قىتاي كەيىنگى 10 جىلدا ورمان القابىن – 1,7 ميلليون گەكتارعا, رەسەي – 942 مىڭ گەكتارعا, ءۇندىستان – 191 مىڭ گەكتارعا, تۇركيا – 118 مىڭ گەكتارعا, اۋستراليا – 105 مىڭ گەكتارعا, فرانتسيا – 96 مىڭ گەكتارعا, يندونەزيا – 94 مىڭ گەكتارعا, وڭتۇستىك افريكا – 88 مىڭ گەكتارعا, كانادا – 83 مىڭ گەكتارعا, ۆەتنام – 73 مىڭ گەكتارعا ۇلعايتقان.