بيىلعى جىلدىڭ العاشقى التى ايىندا ەلىمىزدە جىلجىمايتىن م ۇلىكپەن بايلانىستى قىزمەت كولەمى 1,4 ترلن تەڭگەگە جەتتى. بۇل وتكەن جىلدىڭ ءدال وسى كەزەڭىمەن سالىستىرعاندا 42,6 پايىزعا كوپ, دەپ جازادى Egemen.kz.
ۇلتتىق بيۋرو ستاتيستيكاسىنىڭ دەرەگىنشە, جىلجىمايتىن م ۇلىككە قاتىستى قىزمەت كورسەتۋ سەكتورى سوڭعى بەس جىل بويى ۇزدىكسىز ءوسىپ كەلەدى. تەك پاندەميانىڭ العاشقى جىلى 12 پايىزدىق تومەندەۋ بايقالعان, ال كەيىنگى جىلدارى نارىق جىل سايىن 20 مەن 39 پايىز ارالىعىندا ءوسىم كورسەتكەن.
وڭىرلەر اراسىندا الماتى ايقىن كوش باستاپ تۇر. 2025 جىلدىڭ العاشقى جارتىسىندا ەل بويىنشا تىركەلگەن ءوسىمنىڭ باسىم بولىگى وسى قالاعا تيەسىلى. الماتى قىزمەت كولەمىن 73,8 پايىزعا ارتتىرىپ, 608,8 ملرد تەڭگەگە جەتكىزدى. بۇل رەسپۋبليكا نارىعىنىڭ 44,2 پايىزى. ەكىنشى ورىندا استانا تۇر: 257,1 ملرد تەڭگە, ءوسىم 26,7 پايىز. سونداي-اق شىعىس قازاقستان, اتىراۋ جانە قاراعاندى وبلىستارى العاشقى بەستىكتە.
سەكتور ىشىندەگى ەڭ تابىستى باعىت – تۇرعىن ءۇيدى جالعا بەرۋ جانە باسقارۋ قىزمەتتەرى. ونىڭ كولەمى 681,5 ملرد تەڭگەگە جەتىپ, وتكەن جىلمەن سالىستىرعاندا 29,6 پايىزعا كوبەيدى. وفيستىك عيماراتتاردى جالعا بەرۋ جانە باسقارۋ باعىتتارى دا ايتارلىقتاي ۇلەسكە يە, بىراق كولەمى تۇرعىن ءۇي سەكتورىنان ءۇش ەسە از – 180,9 ملرد تەڭگە.
ەڭ جوعارى ءوسىم ساۋدا جانە كوپفۋنكتسيالى ورتالىقتارداعى جالعا بەرۋ قىزمەتتەرىندە تىركەلدى. بۇل سەگمەنت ءبىر جىلدا جەتى ەسەگە جۋىق ءوسىپ, 24,9 ملرد تەڭگەدەن 176,3 ملرد تەڭگەگە دەيىن ۇلعايدى.
قىزمەت كولەمىنىڭ ارتۋىنا بىرنەشە فاكتور اسەر ەتكەن. ءبىرىنشىسى – جالعا الۋ باعاسىنىڭ قىمباتتاۋى. بىراق باعا 4 پەن 10,5 پايىز ارالىعىندا عانا وسكەن. ەكىنشى فاكتور – جالعا بەرىلەتىن نىساندار سانىنىڭ جانە اۋدانىنىڭ كوبەيۋى. 2025 جىلى پايدالانۋعا بەرىلگەن جاڭا كوممەرتسيالىق عيماراتتاردىڭ جالپى اۋدانى 2,2 ەسە ارتقان: بىلتىر 2,3 ملن شارشى مەتر بولسا, بيىل بۇل كورسەتكىش 4,9 ملن شارشى مەترگە جەتكەن. ساۋدا نىساندارى 59,3 پايىزعا, مادەني ويىن-ساۋىق ورىندارى 84,4 پايىزعا, وفيس عيماراتتارى 22,5 پايىزعا ارتتى.
ايتا كەتەرلىگى, نارىقتا ىشكى قۇرىلىمدىق وزگەرىستەر دە بايقالادى. سوڭعى ءبىر جىلدا وسى سالادا قىزمەت كورسەتەتىن كومپانيالار مەن جەكە كاسىپكەرلەر سانى 28 پايىزعا ازايىپ, 6,9 مىڭعا ءتۇستى. 2024 جىلى 4,3 مىڭ جەكە كاسىپكەر تىركەلگەنىمەن, ولاردىڭ ۇلەسى جالپى قىزمەت كولەمىنىڭ 27,1 پايىزىن عانا قۇرادى. كەرىسىنشە, قىزمەتتىڭ 72,9 پايىزى زاڭدى تۇلعالارعا تيەسىلى بولدى.