الماتىداعى «زەنيت» سپورت ورتالىعىندا بيىل ەكىنشى رەت ۇيىمداستىرىلعان توعىزقۇمالاقتان مەكتەپ وقۋشىلارى (U-15, U-17 – كلاسسيكا ونلاين/وفلاين, راپيد, بليتس) اراسىنداعى الەم چەمپيوناتى اياقتالدى. وعان 21 ەلدەن كەلگەن 180-گە جۋىق سپورتشى قاتىستى, دەپ حابارلايدى Egemen.kz.
بايراقتى باسەكەنىڭ جابىلۋ سالتاناتىنا دۇنيەجۇزىلىك توعىزقۇمالاق فەدەراتسياسىنىڭ پرەزيدەنتى ءاليحان بايمەنوۆ, قازاقستان توعىزقۇمالاق سپورتى فەدەراتسياسىنىڭ پرەزيدەنتى اكىم تۇرسىن, الماتى قالاسى اكىمىنىڭ ورىنباسارى ابزال نۇكەنوۆ, قالانىڭ سپورت باسقارماسى, توعىزقۇمالاق سپورتى فەدەراتسياسى جانە شەتەلدىك دەلەگاتسيا وكىلدەرى قاتىستى.
ءىس-شارا قالا اكىمدىگىنىڭ قولداۋىمەن ءوتتى. چەمپيوناتتى تۋريزم جانە سپورت مينيسترلىگى مەن دۇنيەجۇزىلىك توعىزقۇمالاق فەدەراتسياسى بىرلەسە ۇيىمداستىردى. بۇل چەمپيونات جاس بۋىننىڭ ينتەللەكتۋالدىق الەۋەتىن ارتتىرىپ, وتاندىق سپورتتىڭ ابىرويىن بيىكتەتۋگە زور ۇلەس قوستى.
جاھاندىق جارىستا وتانداستارىمىز 12 التىن, 11 كۇمىس, 7 قولا, بارلىعى 30 مەدال جەڭىپ الىپ, جالپىكوماندالىق ەسەپتە توپ جاردى.