قوستاناي قالاسىندا وقۋشىلار 25 قاراشادان باستاپ وسى اپتانىڭ اياعىنا دەيىن قاشىقتان وقيدى. ءبىلىم وردالارىندا جرۆي مەن تۇماۋدىڭ ءورشىپ كەتۋىنە بايلانىستى وسىنداي شەشىم قابىلدانىپ وتىر, دەپ جازادى Egemen.kz.
قالا مەكتەپتەرىنىڭ كەلەسى جەتىدە قالاي جۇمىس ىستەيتىنى تۋرالى شەشىم وسى اپتانىڭ اياعىنداعى جاعدايعا قاراي قابىلدانادى. قالالىق ءبىلىم ءبولىمىنىڭ مالىمەتىنشە, جالپى ءبىلىم بەرەتىن 37 مەكتەپ ونلاين وقۋ تارتىبىنە كوشكەن.
وبلىس ورتالىعىنداعى كوللەدجدەردىڭ 3 578-ءى, ياعني 17 پايىزى سىرقاتتانىپ قالعان.
«2 كوللەدج تولىقتاي قاشىقتان وقىتۋ فورماتىنا كوشتى. 4 كوللەدجدىڭ 17 توبى قاشىقتان وقىپ جاتىر», دەپ حابارلادى قالالىق ءبىلىم ءبولىمى.
جالپى, سوڭعى اپتادا وبلىستا جرۆي-ءدىڭ 10 512 جاعدايى تىركەلگەن. وڭىردە 6510 بالا تۇماۋمەن اۋىرىپ جاتىر.
قوستاناي وبلىسى