ەلىمىزدە مال ازىعىن دايىنداۋ ناۋقانى اياقتالدى. جەرگىلىكتى اتقارۋشى ورگانداردىڭ مالىمەتىنشە, وڭىرلەر 25 ملن توننا ءشوپ (جوسپاردىڭ 103,1%), 1,9 ملن توننا سەناج (113,3%), 5,4 ملن توننا قۇراماجەم (98,4%), 2,1 ملن توننا سيلوس (107,3%), 4,9 ملن توننا سابان (106,6%) جيناعان, دەپ حابارلايدى Egemen.kz.
جالپى ەل بويىنشا بارلىق تۇرلەرىن قوسا ەسەپتەگەندە ازىرلەنگەن 39,8 ملن توننا مال ازىعى – مالداردى قىس مەزگىلىندە ۇستاۋ تۇرعىسىندا جەتكىلىكتى.
اۋىل شارۋاشىلىعى مينيسترلىگىنىڭ مالىمەتىنشە, بىرقاتار وبلىستار ناۋقاندى جوعارى دەڭگەيدە وتكىزىپ, جوسپاردى ايتارلىقتاي ارتىعىمەن ورىنداعان: سولتۇستىك قازاقستان (147,1%), شىعىس قازاقستان (116,0%), الماتى (105,6%), جەتىسۋ (104,5%), اقتوبە (103,2%), قىزىلوردا (102,3%), ۇلىتاۋ (102,4%) وبلىستارى بار.
سەناج دايىنداۋ بويىنشا سولتۇستىك قازاقستان (163,5%), جامبىل (114,6%), قوستاناي (108,0%), الماتى (107,5%), پاۆلودار (105,0%), تۇركىستان (106,2%), جەتىسۋ (105,1%) وبلىستارى جوعارى كورسەتكىشكە قول جەتكىزدى.
مال ازىعى قازىرگى دەڭگەيدە ەلىمىزدىڭ مال شارۋاشىلىعى سەكتورىنىڭ قاجەتتىلىگىن تولىق قامتاماسىز ەتەدى. ياعني, 2025-2026 جىلدارعا قىسقى ماۋسىمدا مالدى قىستاتۋدى وڭتايلى وتكەرۋگە, جەمشوپ تاپشىلىعى تاۋەكەلدەرىن بارىنشا تومەندەتۋگە مۇمكىندىك بەرەدى.