ۆولونتەرلىكتى دامىتۋعا ارنالعان شاعىن گرانتتار بايقاۋىن مادەنيەت جانە اقپارات مينيسترلىگى جانە ازاماتتىق باستامالاردى قولداۋ ورتالىعى ۇيىمداستىردى. بۇل جوبا ازاماتتىق قورعانىس جۇيەسىندە العاش رەت جۇزەگە اسىرىلىپ وتىر, دەپ حابارلايدى Egemen.kz.
استانانىڭ تجد ءموبيلدى ۆولونتەرلەر توبى 1 000 000 تەڭگە كولەمىندەگى گرانتتىق قارجىلاندىرۋدىڭ جەڭىمپازى اتاندى.
توتەنشە جاعدايلار مينيسترلىگىنىڭ مالىمەتىنشە, بولىنگەن قاراجات توپتىڭ اعىمداعى قاجەتتىلىكتەرىن قامتاماسىز ەتۋگە, سونداي-اق توتەنشە جاعدايلاردىڭ الدىن الۋ جانە ولاردىڭ سالدارىن جويۋ ءىس-شارالارىنا ۆولونتەرلەردىڭ ءتيىمدى قاتىسۋىن ارتتىرۋعا قاجەتتى جابدىقتاردى ساتىپ الۋعا باعىتتالدى.
گرانت شەڭبەرىندە راديوستانتسيالار, ەمبلەماسى بار قورعاعىش جيلەتتەر, شامدار, ءدۇربى, قاردا جۇرۋگە ارنالعان اياق كيىم جانە باسقا دا قاجەتتى م ۇلىك ساتىپ الىندى.