قوستانايدا حالىق اقىنى ءاسيا بەركەنوۆانىڭ مەرەيلى 75 جاسقا تولۋىنا وراي, «ايدىن جىردىڭ اققۋى» اتتى رەسپۋبليكالىق اقىندار ايتىسى ءوتتى, دەپ جازادى Egemen.kz.
وبلىس اكىمدىگى ۇيىمداستىرعان جىر دوداسىنا توبىل-تورعاي ءوڭىرىنىڭ وتكەنى مەن بۇگىنى, كەلەشەگى ارقاۋ بولىپ, مەرەيتوي يەسىنىڭ اقىندىق ونەرى, ايتىستى دامىتۋعا قوسقان ۇلەسى دارىپتەلدى.
التى ساعاتقا سوزىلعان الاماننىڭ 3 ملن تەڭگە سىياقىسى بار باس جۇلدەسىن اباي وبلىسىنىڭ اتىنان شىققان اسەم ەرەجەقىزى جەڭىپ الدى. قازىلار القاسىنىڭ ۇيعارۋىمەن ءبىرىنشى ورىنعا (2 ملن تەڭگە) اقتوبەلىك اقىن نۇربول جاۋىنباەۆ لايىق دەپ تانىلدى.
ەكىنشى ورىن – (1,5 ملن تەڭگە) مۇحتار نيازوۆ (قىزىلوردا وبلىسى) پەن جانسايا مۋسينانىڭ (باتىس قازاقستان وبلىسى) ەنشىسىندە.
جۇلدەلى ءۇشىنشى ورىنعا (1 ملن تەڭگە) نۇرلان ەسەنقۇلوۆ (شىمكەنت قالاسى) پەن مەيىربەك سۇلتانحان (قىزىلوردا وبلىسى) يەت بولدى.
ايتىسقا قاتىسقان وزگە اقىندار دا 500 مىڭ تەڭگە كولەمىندە ىنتالاندىرۋ سىيلىعىن الدى.
اقىنداردى ماراپاتتاۋ راسىمىندە وبلىس اكىمى قۇمار اقساقالوۆ حالىق اقىنى ءاسيا بەركەنوۆا مەن تاياۋدا عانا «التىن دومبىرانى» جەڭىپ العان ايتىس اقتاڭگەرى ايبەك قاليەۆتىڭ ايتىس ونەرىن دامىتۋعا سىڭىرگەن ەڭبەكتەرى ەرەكشە ەكەنىن اتاپ ءوتىپ, ەل رۋحانياتىنا قوسقان ولشەۋسىز ۇلەستەرى ءۇشىن العىس ءبىلدىردى.
ودان كەيىن قازىلار القاسىنىڭ مۇشەسى جاناربەك ءاشىمجان كوپشىلىككە سەنات سپيكەرى ماۋلەن اشىمباەۆتىڭ قۇتتىقتاۋىن وقىپ بەرىپ, مەرەيتوي يەسىنىڭ يىعىنا شاپان جاپتى.
ءاسيا اقىن ايتىس ساحناسىنا كەزىندە فاريزا وڭعارسىنوۆا جاپقان شاپاندى كيىپ شىققانىن, ونى مۋزەيگە تاپسىراتىنىن ايتتى.
ال وبلىس اكىمى قۇمار اقساقالوۆ توبىل-تورعاي وڭىرىنەن شىققان قوس اقىنعا مەتسەناتتار تارتۋ ەتكەن سۋ جاڭا اۆتوكولىكتەردىڭ كىلتىن تابىس ەتتى. حالىق اقىنى ءاسيا بەركەنوۆا «KIA Sportage», ايتىس اقتاڭگەرى ايبەك قاليەۆ «KIA Cerato» كولىگىن ءمىندى.
قوستاناي وبلىسى