اتالعان ەلدە ماگنيتۋداسى 6,3 بولعان قاتتى جەر سىلكىنىسى (3 قاراشا) بولعانى ءمالىم. اپاتتان زارداپ شەككەن ەل تۇرعىندارعى قازاقستان مەديتسينالىق جانە گۋمانيتارلىق كومەگىن كورسەتىپ جاتىر, دەپ جازادى Egemen.kz, دەپ جازادى Egemen.kz.
پرەزيدەنتتىڭ تاپسىرماسىمەن وتكەن اپتادا مەملەكەتتىك رەزەرۆتەن ءدارى-دارمەكتەر, حيرۋرگيالىق قۇرالدار, تاڭعىشتار, شاتىرلار, توسەك-ورىن جابدىقتارى جانە باسقا دا قاجەتتى رەسۋرستار, ياعني, گۋمانيتارلىق جۇك جەتكىزىلدى. سول كەزدەردە مەديتسينالىق بريگادا دا جىبەرىلدى.
ماماندار جەرگىلىكتى دارىگەرلەرگە پاتسيەنتتەردى ورنالاستىرۋعا, حيرۋرگيالىق ەمشارالار كەزەگىن جوسپارلاۋعا, بىرلەسكەن تالداۋلار جۇرگىزۋگە جانە ەڭ قيىن جاعدايلاردا كومەككە كەلەدى. وسى ۋاقىت ىشىندە قازاقستان دارىگەرلەرى ونداعان كونسۋلتاتسيالار وتكىزىپ, زەرتتەپ-قاراپ, وتالار جاسادى.
دەنساۋلىق ساقتاۋ مينيسترىلىگى دارىگەرلەر بريگاداسى ۇزدىك مامانداردان جاساقتالعانىن جەتكىزدى. ولاردىڭ ىشىندە اكادەميك ن.باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنان و.بەكارىسوۆ, د.عالىم, ا.دولگوۆ, ر.ءابىلوۆ, ب.تۇرلىبەكوۆ سىندى دارىگەرلەر بار. سونىمەن قاتار ۇلتتىق نەيروحيرۋرگيا ورتالىعىنان س.كارىباي, ن.ءاشىروۆ, ا.قادىروۆ بولسا, ۇلتتىق شۇعىل مەديتسينانى ۇيلەستىرۋ ورتالىعىنان ا.ساتىبالدين, س.نۇرتازين, ر. ءسالىموۆ, ا.قىدىرباەۆ, گ.تۇسىپبەكوۆ مەديتسينالىق كومەك كورسەتىپ جاتىر.