قازگيدرومەت 21 قاراشادا اۋا رايىنا بايلانىستى بىرقاتار وڭىردە داۋىلدى ەسكەرتۋ جاريالادى, دەپ جازادى Egemen.kz.
سينوپتيكتەردىڭ بولجامى بويىنشا, تۇندە جانە تاڭەرتەڭ ۇلىتاۋ وبلىسىنىڭ شىعىسىندا, وڭتۇستىگىندە تۇمان تۇسەدى.
21-22 قاراشادا تۇندە جانە تاڭەرتەڭ تۇركىستان وبلىسىنىڭ سولتۇستىگىندە, باتىسىندا, تاۋلى اۋداندارىندا جانە ورتالىعىندا تۇمان بولادى دەپ بولجانادى.
تۇندە قاراعاندى وبلىسىنىڭ باتىسىندا, سولتۇستىگىندە, شىعىسىندا كوكتايعاق, تۇندە جانە تاڭەرتەڭ وبلىستىڭ سولتۇستىگىندە, شىعىسىندا, وڭتۇستىگىندە تۇمان بولادى.
استانادا 21 قاراشادا ازداپ جاۋىن-شاشىن (جاڭبىر, قار) جاۋادى, كوكتايعاق, تۇمان بولادى, جاياۋ بۇرقاسىن جۇرەدى دەپ كۇتىلەدى.
تۇندە جانە تاڭەرتەڭ الماتى وبلىسىنىڭ وڭتۇستىگىندە, تاۋلى اۋداندارىندا تۇمان تۇسەدى دەپ كۇتىلەدى. الماتىدا 21 قاراشادا تۇندە جانە تاڭەرتەڭ تۇمان بولادى دەپ بولجانادى.
تۇندە جانە كۇندىز شىعىس قازاقستان وبلىسىنىڭ سولتۇستىگىندە جاۋىن-شاشىن (جاڭبىر, قار), كوكتايعاق, بولادى, جاياۋ بۇرقاسىن جۇرەدى. وبلىستىڭ سولتۇستىگىندە, شىعىسىندا وڭتۇستىك-شىعىستان, وڭتۇستىكتەن جەل سوعادى, ەكپىنى - 15-20 م/س. وسكەمەندە 21 قاراشادا تاڭەرتەڭ جانە كۇندىز كوكتايعاق بولادى.
تۇندە جانە كۇندىز اباي وبلىسىنىڭ باتىسىندا, سولتۇستىگىندە, ورتالىعىندا جاۋىن-شاشىن (جاڭبىر, قار), كوكتايعاق بولىپ, جاياۋ بۇرقاسىن جۇرەدى. وبلىستىڭ باتىسىندا, سولتۇستىگىندە, ورتالىعىندا وڭتۇستىكتەن, وڭتۇستىك-باتىستان سوققان جەلدىڭ ەكپىنى 15-20 م/س, كەي تۇستا 23 م/س دەيىن جەتەدى. سەمەيدە 21 قاراشادا تۇندە كوكتايعاق بولىپ, وڭتۇستىكتەن, وڭتۇستىك-باتىستان جەل سوعادى, كۇندىزگى ەكپىنى - 15-18 م/س.
تۇندە پاۆلودار وبلىسىنىڭ سولتۇستىگىندە قاتتى جاۋىن-شاشىن (قار, جاڭبىر), وبلىستىڭ وڭتۇستىگىندە, باتىسىندا كوكتايعاق, تۇمان بولادى. سولتۇستىك-باتىستان جەل سوعادى, وبلىستىڭ سولتۇستىگىندە سوققان جەلدىڭ ەكپىنى 15-20 م/س. پاۆلوداردا 21 قاراشادا كوكتايعاق بولادى.
تۇندە جانە تاڭەرتەڭ اتىراۋ وبلىسىنىڭ باتىسىندا, سولتۇستىگىندە, ورتالىعىندا تۇمان تۇسەدى.
قىزىلوردا وبلىسىنىڭ سولتۇستىگىندە, ورتالىعىندا تۇمان بولادى دەپ بولجانادى.
اقتوبە وبلىسىنىڭ سولتۇستىگىندە, شىعىسىندا, باتىسىندا جانە ورتالىعىندا تۇمان تۇسەدى.
باتىس قازاقستان وبلىسىنىڭ باتىسىندا, سولتۇستىگىندە, شىعىسىندا جانە ورتالىعىندا تۇمان بولادى دەپ بولجانادى.
تۇندە قوستاناي وبلىسىنىڭ باتىسىندا, شىعىسىندا, وڭتۇستىگىندە جاۋىن-شاشىن (جاڭبىر, قار), كوكتايعاق, تۇمان بولىپ, جاياۋ بۇرقاسىن جۇرەدى. وبلىستىڭ وڭتۇستىگىندە, شىعىسىندا وڭتۇستىك-باتىستان سولتۇسىك-شىعىسقا ويىسا سوققان جەلدىڭ ەكپىنى 15-20 م/س قۇرايدى. قوستانايدا 21 قاراشادا تۇمان بولادى دەپ بولجانادى.
اقمولا وبلىسىندا تۇندە جانە كۇندىز وبلىستىڭ باتىسىندا, وڭتۇستىگىندە, شىعىسىندا جاۋىن-شاشىن (جاڭبىر, قار), كوكتايعاق, تۇمان بولىپ, جاياۋ بۇرقاسىن جۇرەدى. وبلىستىڭ سولتۇستىگىندە, شىعىسىندا وڭتۇستىك-باتىستان سولتۇستىك-باتىسقا ويىسا سوققان جەلدىڭ ەكپىنى 15-20 م/س. كوكشەتاۋدا 21 قاراشادا تۇندە جاۋىن-شاشىن (جاڭبىر, قار), تۇمان, كوكتايعاق بولىپ, جاياۋ بۇرقاسىن جۇرەدى دەپ بولجانادى.
تۇندە سولتۇستىك قازاقستان وبلىسىنىڭ وڭتۇستىگىندە, شىعىسىندا جاۋىن-شاشىن (جاڭبىر, قار), وبلىستىڭ وڭتۇستىگىندە, شىعىسىندا كوكتايعاق, وبلىستىڭ باتىسىندا, سولتۇستىگىندە, وڭتۇستىگىندە تۇمان بولادى, جاياۋ بۇرقاسىن جۇرەدى. باتىستان, سولتۇستىك-باتىستان جەل سوعادى, وبلىستىڭ وڭتۇستىگىندە, شىعىسىندا سوققان جەلدىڭ ەكپىنى 15-20 م/س بولادى. پەتروپاۆلدا 21 قاراشادا تۇندە جانە تاڭەرتەڭ تۇمان بولادى دەپ بولجانادى.