قىزىلوردا وبلىسى اۋماعىندا «مال ۇرىسى» جەدەل-پروفيلاكتيكالىق ءىس-شاراسى باستالدى. پوليتسيا قىزمەتكەرلەرى جەرگىلىكتى اتقارۋشى ورگاندارمەن بىرلەسىپ, وبلىس كولەمىندە مال تاسىمالداۋشى اۆتوكولىكتەردى, ودان بولەك مال جانە ەت ساتۋ ورىندارىنىڭ زاڭ تالاپتارىنا سايكەستىگىن تەكسەرىپ جاتىر.
مال ۇرلىعىنىڭ الدىن الۋعا باعىتتالعان ءىس-شارانىڭ العاشقى كۇنىندە مال ۇرلىعىنىڭ 3 دەرەگى اشىلدى.
سونىمەن قاتار مالدى زاڭسىز تاسىمالداۋدىڭ 2, بەلگىلەنبەگەن ورىنداردا جايۋدىڭ 9 دەرەگى انىقتالىپ, اكىمشىلىك حاتتامالار رەسىمدەلدى.
قازالى اۋدانىنىڭ پوليتسيا بولىمىنە اۋدان تۇرعىنى حابارلاسىپ, سيىرىنىڭ جايىلىمنان جوعالعاندىعى تۋرالى ارىزدانعان.
پوليتسەيلەر جۇرگىزگەن جەدەل شارا بارىسىندا كۇدىكتى ۇستالىپ, قازىر تەرگەۋ ارەكەتتەرى جۇرگىزىلىپ جاتىر.