قازاقستان قۇراماسى فارەر ارالدارىنان جەڭىلىپ قالدى

كەزدەسۋ حورۆاتيانىڭ پۋلە قالاسىندا ءوتتى. ماتچ 1:0 ەسەبىمەن فارەر ارالدارى قۇراماسىنىڭ پايداسىنا شەشىلدى. جەڭىس گولىن العاشقى تايمدا, 25-مينۋتتا پەتۋر كنۋدسەن سوقتى.

ايتا كەتەيىك, بۇل – قازاقستان قۇراماسىنىڭ 2025 جىلى وتكىزگەن سوڭعى ويىنى.

ەسكە سالا كەتسەك, وسى ماتچقا دەيىن قازاقستان قۇراماسى 15 قاراشادا استانادا وتكەن الەم چەمپيوناتى-2026 ىرىكتەۋىندەگى سەنساتسيالىق تەڭ ناتيجەگە قول جەتكىزگەن بولاتىن. ول كەزدەسۋدە ءبىزدىڭ كوماندا بەلگيامەن 1:1 ەسەبىمەن وينادى.

ۋەفا تالابى بويىنشا ءار ۇلتتىق قۇراما جىل ىشىندە كەمىندە ون ماتچ وتكىزۋى قاجەت. قازاقستان بيىل سەگىز ىرىكتەۋ ويىنىن جانە بەلارۋس قۇراماسىمەن (1:4) جولداستىق كەزدەسۋ وتكىزگەن.