«Microsoft» جاساندى ينتەللەكت سۋپەرفابريكاسىن اشتى. ەندى الىپ مودەلدەردى بۇرىنعىدان دا جىلدام ۇيرەتەدى.
امەريكالىق تەحنولوگيا الىبى «Microsoft Fairwater» دەپ اتالاتىن جاڭا دەرەكتەر ورتالىقتارى جەلىسىن ىسكە قوستى. بۇل جەلى ۆيسكونسين مەن اتلانتاداعى ەكى ۇلكەن الاڭنىڭ قۋاتىن بىرىكتىرەدى. جاڭا كەشەندە ەكى قابات بولىپ تىزىلگەن «NVIDIA Blackwell» گرافيكالىق پروتسەسسورلارى ورناتىلعان, ال ولاردىڭ ءبارى سۇيىقتىقپەن سالقىنداتىلاتىن جۇيەگە جالعانعان. ەڭ قىزىعى, وسىنىڭ ءبارى بىرگە «سۋپەرفابريكا» سياقتى جۇمىس ىستەيدى. تريلليونداعان پارامەترى بار جاساندى ينتەللەكت مودەلدەرىن بۇرىنعىداي بىرنەشە اي ەمەس, بىرنەشە اپتادا ۇيرەتە الادى.