وڭىرلىك توتەنشە جاعداي دەپارتامەنتىنىڭ بولىمشەلەرى كەز كەلگەن شۇعىل جاعدايدا جۇمىس ىستەۋگە دايىندىقتارىن پىسىقتاپ جاتىر. قۇرىلىمدار وتىمدىلىگى جوعارى 90 تەحنيكامەن جاراقتالعان, دەپ حابارلايدى Egemen.kz.
پاۆلودار وبلىسىندا قىسقى مەزگىلدە كەزدەسەتىن ىقتيمال توتەنشە جاعدايلار كەزىندە جەدەل ارەكەت ەتۋگە باعىتتالعان كۇشتەر مەن قۇرالدار توبى قۇرىلدى.
- وڭىردە قىس مەزگىلىندە 188 جىلىتۋ پۋنكتى جۇمىس ىستەيتىن بولادى. ونىڭ ىشىندە 11-ءى جول-پايدالانۋ باسقارمالارىنىڭ بازالارىندا ورنالاسقان. ولار 4300 ۇيىقتايتىن ورىنمەن قامتاماسىز ەتىلە وتىرىپ, ءبىر مەزگىلدە 20 مىڭنان استام ادامدى قابىلداي الادى, - دەپ حابارلادى وبلىستىق توتەنشە جاعدايلار دەپارتامەنتىنەن.
ىقتيمال جاعدايلارعا 2788 ادام جانە قار تازالايتىن, ينجەنەرلىك, ەۆاكۋاتسيالىق جانە وزگە دە ارنايى تەحنيكانىڭ مىڭنان استام بىرلىگى جۇمىلدىرىلادى. سونداي-اق وتىمدىلىگى جوعارى 90 تەحنيكا بار.
پاۆلودار وبلىسى