اباي وبلىسىنىڭ اكىمى بەرىك ءۋالي ورتالىق كوممۋنيكاتسيالار قىزمەتىندە وتكەن بريفينگتە الاكول كولىنىڭ جاعالاۋىن اباتتاندىرۋ مەن تۋريستىك ينفراقۇرىلىمدى دامىتۋ باعىتىندا قولعا الىنعان جوبالار تۋرالى ايتتى, دەپ جازادى Egemen.kz.
«جينالعان ماسەلەلەردى ءبىر ماۋسىمدا شەشۋ مۇمكىن ەمەس. دەگەنمەن, بيىل دەمالۋشىلارعا قولايلى جاعداي جاسالىپ, ينفراقۇرىلىمدىق جۇمىستار جۇرگىزىلدى. وسى ماقساتقا وبلىستىق بيۋدجەتتەن 1 ميلليارد تەڭگە ءبولىندى», دەدى ءوڭىر باسشىسى.
بولىنگەن قارجى ەسەبىنەن تومەندەگى بىرنەشە نىساننىڭ قۇرىلىسى مەن جوندەۋ جۇمىستارى جۇرگىزىلىپ جاتىر:
قابانباي اۋىلىندا ءورت ءسوندىرۋ دەپوسىن سالۋ – 141 ملن تەڭگە;
جاڭا قوعامدىق كەڭىستىك قۇرۋ – 171,6 ملن تەڭگە;
ارباتتى جوندەۋ – 108,9 ملن تەڭگە;
جاعالاۋ كوشەلەرىن ورتاشا جوندەۋ – 229,5 ملن تەڭگە;
جاعالاۋدى اباتتاندىرۋ – 107,5 ملن تەڭگە;
پيرستەر ورناتۋ – 41,6 ملن تەڭگە;
جاعالاۋدى سانيتارلىق تازالاۋ – 53,5 ملن تەڭگە.
بەرىك ءۋاليدىڭ ايتۋىنشا, الاكول ءوڭىرىنىڭ دامۋىن جۇيەلى تۇردە جۇزەگە اسىرۋ ءۇشىن جاڭا باس جوسپار دايىندالىپ جاتىر. ول 1000 گەكتار اۋماقتا دەمالىس پەن تۋريزم ايماقتارىن قالىپتاستىرۋدى, كولىك جانە ينجەنەرلىك ينفراقۇرىلىمدى جەتىلدىرۋدى كوزدەيدى. بولاشاقتا جوبا قابانباي اۋىلىن جانە جاعالاۋدى بىرىكتىرىپ, اۋماقتى 3000 گەكتارعا دەيىن كەڭەيتۋدى جوسپارلايدى.
ينۆەستيتسيالىق جوبالاردىڭ ىشىندە ازەربايجان ينۆەستورلارىنىڭ قاتىسۋىمەن «الاكول» شيپاجاي كەشەنىن سالۋ جانە قىتايلىق San Bao, ۆاندجان, Juding Group كومپانيالارىنىڭ قاتىسۋىمەن 100 جىلدام تۇرعىزىلاتىن قوناقۇي (گلەمپينگ) نىسانىن تۇرعىزۋ قاراستىرىلعان.