ونەركاسىپ جانە قۇرىلىس ۆيتسە-ءمينيسترى يران شارحان ۇكىمەت وتىرىسىندا جەر قويناۋىن پايدالانۋ جانە گەولوگيالىق بارلاۋ سالاسىنداعى احۋال تۋرالى باياندادى, دەپ حابارلايدى Egemen.kz.
ول قازىر ەل بويىنشا 103-تەن استام ءتۇرلى پايدالى قازبا جانە 10 مىڭعا جۋىق كەن ورنى مەملەكەتتىك ەسەپكە الىنعانىن, سونداي-اق, قولدانىستا 2,9 مىڭنان استام ليتسەنزيا جانە 250-گە جۋىق قاتتى پايدالى قازبالار بويىنشا كەلىسىم-شارت بار ەكەنىن حابارلادى.
«گەولوگيالىق بارلاۋ جۇمىستارىنىڭ ناتيجەسىندە العاش رەت 5 كەن ورىنى مەملەكەتتىك ەسەپكە الىندى. ولار – كوك-جون, التىن-شوكو, سامومبەت, ستۋدەنچەسكي جانە تاقىر-قالجىر كەن ورىندارى. قور كولەمى 98 توننا التىنعا, 36 مىڭ توننا مىسقا, 11 ميلليون توننا مارگانەتسكە جانە 1,3 ميلليون توننا فوسفوريتكە ارتتى», دەپ اتاپ ءوتتى يران شارحان.