سپورتشىنىڭ ايتۋلى تابىسى

تۋرنيردە ەلەنانىڭ جولى كىل مىقتىلارمەن قيىستى. تۇساۋكەسەر كەزدەسۋىندە WTا تىزىمىندە ءتورتىن­شى ورىندا تۇرعان اماندا انيسيموۆا­مەن ايقاستى. اقش تەننيسشىسىنىڭ بيىل US Open مەن ۋيمبلدون دودا­لا­رى­نىڭ فينالىندا ويناعانىن ەسكەرسەك, ول ەر-ريادقا جاقسى با­بىن­­دا كەلدى دەپ ايتۋعا تولىق نەگىز بار. دەسەك تە جەرلەسىمىز انيسيموۆا­­نى بەت قاراتپاي ۇتتى – 6:3, 6:1.

كەلەسى ويىندا وتانداسىمىز يگا شۆيون­تەكپەن شەبەرلىك بايقاستى. الەمنىڭ ەكس-ءبىرىنشى راكەتكاسى رولان گارروستا ءتورت مارتە توپ جارىپ, US Open مەن ۋيمبلدوندى ءبىر-ءبىر رەتتەن ۇتقانىن جانكۇيەرلەر جاقسى بىلەدى. قازىر WTا رەيتينگىندە ەكىنشى ورىندا تۇر. ءبىرىنشى سەت پولياك قىزىنىڭ پايداسىنا شەشىلدى – 6:3. ەسەسىنە قارقى­­نىن كۇرت كۇشەيتكەن رىباكينا كەلەسى سەتتەردە شۆيونتەكتىڭ تاس-تالقانىن شىعاردى – 6:1, 6:0.

توپتىق تۋرنيردەگى سوڭعى ماتچىن ەلەنا امە­ريكالىق مەديسون كيزگە قارسى وتكىزۋگە ءتيىس ەدى. الايدا دەنساۋلىعىنىڭ سىر بە­رۋىنە بايلانىستى قارسىلاسى كورتقا شى­عۋدان باس تارتتى. ونى رەسەيلىك ەكاتەرينا الەكساندروۆا الماستىردى. رىباكينا توپ-10-دىقتى تۇيىندەپ تۇرعان ويىنشىنىڭ وسال تۇسىن وڭاي تاپتى – 6:4, 6:4.

ءوز توبىندا ءبىرىنشى ورىن العان وتانداسىمىز جارتىلاي فينالدا دجەسسيكا پەگۋلا­مەن شەبەرلىك بايقاستى. بىلتىر US Open ءتۋرنيرىنىڭ فينالىنا دەيىن جەتكەن اقش وكىلى بۇل كۇندەرى الەمدىك رەيتينگتە بە­سىنشى ورىنعا تابان تىرەپ تۇر. الايدا ول دا ە.رىباكيناعا جارىتىپ قارسىلىق كورسەتە المادى – 4:6, 6:4, 6:3.

فينالدا جەرلەسىمىزدىڭ جولى بۇگىندە تورت­كۇل دۇنيەنىڭ تەڭدەسسىزى دەپ تانىل­عان ارينا سوبولەنكومەن قيىستى. بەلارۋستىڭ بەتكەۇستارى «ۇلكەن دۋلىعا» سا­ناتىنداعى جا­رىستاردىڭ ءتورت دۇركىن جەڭىم­پازى اتانىپ, WTA دودالارىندا 21 رەت توپ جاردى. وسىدان ءۇش جىل بۇرىن ارينا WTA-نىڭ قورىتىن­دى ءتۋرنيرىنىڭ فينالىندا ونەر كورسەتكەن. بىراق شەشۋشى ويىندا فرانتسيالىق كارولين گارسياعا ەسە جىبەرگەن ەدى. بۇل جولى ەلەنا دا ازۋلى قارسىلاسىنىڭ اتا­عىنان قايمىققان جوق. بۇكىل ماتچ بويى وتە سە­نىمدى ويناعان رىباكينا 6:3, 7:6 ەسەبىمەن سوبو­لەنكوعا سان سوقتىرىپ, باس جۇلدەنى ولجالادى. 

ەلەنا رىباكينا ەر-ريادتاعى جەڭىسىنەن كەيىن WTA-نىڭ قورىتىندى تۋرنيرىندە توپ جارعان ەلىمىزدىڭ تۇڭعىش تەننيسشىسى رەتىندە تاريحتا قالدى. سونىمەن قاتار ونىڭ ەسىمى ازيا قۇرلىعىنان وسىنداي دەڭگەيگە جەتكەن تۇڭعىش ويىنشى رەتىندە دە سپورتتىق شەجىرەگە التىن ارىپتەرمەن جازىلدى. ەستە­رىڭىزگە سالا كەتەيىك, ەلەناعا دەيىن 2013 جىلى لي نا (قىتاي), 2024 جىلى تسينۆەن چجەن (قىتاي) باس جۇلدەگە تالاسىپ, ەكەۋى دە شەشۋشى سايىستا ۇتىلعان ەدى. وسى تابىسى­نىڭ ارقاسىندا ەلىمىزدىڭ ءبىرىن­شى راكەت­كاسى ۇيىمداستىرۋشىلار تاراپىنان 5,235 ميلليون اقش دوللارى كولەمىندە سىي­اقى الدى. سونداي-اق 1500 ۇپاي الىپ, WTA رەيتين­گىندە التىنشى ورىننان بەسىنشى ورىنعا كوتەرىلدى.