توعىز ايدىڭ قورىتىندىسىنا زەر سالساق, وڭىردە جول قاۋىپسىزدىگىن قامتاماسىز ەتۋ ماقساتىندا اۋقىمدى جۇمىستار اتقارىلعانىنا قاراماستان, جول كولىك وقيعاسىنىڭ سانى ارتقان, دەپ حابارلايدى Egemen.kz.
وبلىستىق پوليتسيا دەپارتامەنتى ءباسپاسوز قىزمەتى كەلتىرگەن دەرەككە جۇگىنسەك, جول-كولىك وقيعالارىنىڭ سانى 27,3 پايىزعا كوبەيگەن. ال وندا قازا بولعاندار سانى 1,8 پايىزعا ازايعان.
تالداۋ جۇمىستارىنىڭ ناتيجەسىنە سەنسەك, كولىك جۇرگىزۋشىلەرىنىڭ بەلگىلەنگەن جىلدامدىق رەجيمىنەن اسىپ كەتۋى, قارسى قوزعالىس جولاعىنا شىعۋى, كولىك قۇرالدارىنىڭ تەحنيكالىق اقاۋى سەكىلدى تۇتيكىلدەر جول-كولىك وقيعالارىنا سەبەپشى بولىپ وتىر. ياعني, كولىك قۇرالدارىنىڭ 70 پايىزدان كوبى 20 جىلدان اسقان. قازىرگى ۋاقىتتا جول-كولىك وقيعالارىنىڭ جيىلىگى مەن قوزعالىس قارقىندىلىعى بويىنشا جۇرگىزىلگەن مونيتورينگكە سايكەس, جولداردىڭ بەلگىلى ءبىر ۋچاسكەلەرىندە رەيدتىك ءىس-شارالار مەن تەكسەرۋلەر جۇرگىزۋ ماقساتىندا, پد جپقب جانە ءاپب اپپاراتتارىنىڭ قوسىمشا كۇشتەرى مەن قۇرالدارى جۇمىلدىرىلۋدا. وبلىس اۋماعىندا, ونىڭ ىشىندە قالالىق جانە جەرگىلىكتى ماڭىزداعى اۆتوجولداردا جول-كولىك وقيعالارى سانىن ازايتۋ جانە جول قوزعالىسى قاۋىپسىزدىگىن ارتتىرۋ ماقساتىندا بيىل تاعى ءۇش «اۆتوۋراگان» ستاتسيونارلىق كەشەنىن ساتىپ الۋ جوسپارلانعان.
جالپى جىل باسىنان 517715 قۇقىقبۇزۋشىلىق انىقتالعان, ونىڭ ىشىندە پوليتسيا قىزمەتكەرلەرىمەن 194 542 حاتتاما تولتىرىلىپتى. ونىڭ ىشىندە 833 جۇرگىزۋشى ماس كۇيىندە كولىك قۇرالىن باسقارعانى ءۇشىن ۇستالدى جانە جىلدامدىق رەجيمىن بۇزعان 284 مىڭ 839 دەرەك انىقتالدى, 4544 اۆتوكولىك ايىپ تۇراعىنا قويىلدى.
سكۋتەرلەر مەن ساموكاتتاردىڭ جۇرگىزۋشىلەرىمەن جۇمىس قارقىندى جۇرگىزىلۋدە, ولارعا قاتىستى 942 اكىمشىلىك حاتتاما تولتىرىلىپ, 411-ءى ايىپ تۇراعىنا قويىلدى. جىل باسىنان 1794 بىرلىك موپەد تىركەۋگە قويىلىپتى.