سولتۇستىك قازاقستان وبلىسىنىڭ مامليۋت اۋدانىنىڭ سوتى دەنە شىنىقتىرۋ ءپانىنىڭ مۇعالىمى اندرەي زيانكيننىڭ كمم «مامليۋت ساناتوريلىك ورتا مەكتەبى-ينتەرناتىنا» قارسى تالاپ ارىزىن ءىشىنارا قاناعاتتاندىردى, دەپ جازادى Egemen.kz.
وقۋ-اعارتۋ, عىلىم جانە جوعارى ءبىلىم قىزمەتكەرلەرى سالالىق كاسىپوداعى ءباسپاسوز قىزمەتىنىڭ مالىمدەۋىنشە, پەداگوگ سوتتان اپتاسىنا كەمىندە 16 ساعاتتىق وقۋ جۇكتەمەسىن بەلگىلەۋدى, تولەنبەگەن ەڭبەكاقىنى جانە مورالدىق زياننىڭ وتەماقىسىن ءوندىرۋدى تالاپ ەتكەن.
سوت ا.زيانكيننىڭ بىرنەشە جىل زاڭدا بەلگىلەنگەن نورمادان تومەن جۇكتەمەمەن جۇمىس ىستەگەنىن انىقتادى. ال باستاۋىش سىنىپ مۇعالىمدەرى دەنە شىنىقتىرۋدان دا ساعات الىپ, ارتىق جۇكتەمەمەن ەڭبەك ەتىپ كەلگەنى بەلگىلى بولدى. زاڭسىزدىقتى ەڭبەك ينسپەكتسياسىنىڭ تەكسەرىسى دە راستاعان.
جاعدايدى انىقتاۋعاپ وقۋ-اعارتۋ, عىلىم جانە جوعارى ءبىلىم قىزمەتكەرلەرى سالالىق كاسىپوداعىنىڭ وكىلدەرى قاتىسىپ, پەداگوگتىڭ سالالىق كەلىسىم تالاپتارىن ساقتاۋ جانە نورماتيۆتىك جۇكتەمەنى قامتاماسىز ەتۋ جونىندەگى تالاپتارىن قولدادى. سوت شەشىمىمەن مەكتەپ ا.زيانكينگە اپتاسىنا كەمىندە 16 ساعاتتىق وقۋ جۇكتەمەسىن بەلگىلەپ, 20 000 تەڭگە مولشەرىندە مورالدىق زياننىڭ وتەماقىسىن تولەۋگە مىندەتتەلدى.