سارىكەمەر اۋىلىندا 16 جاستاعى ءجاسوسپىرىمنىڭ ءمايىتى تابىلدى, دەپ حابارلايدى Egemen.kz.
Kris_p_astana Telegram-ارناسى تاراتقان اقپاراتقا سايكەس, بايزاق اۋدانىنىڭ سارىكەمەر اۋىلىندا №3 بايزاق كوللەدجىنىڭ 16 جاستاعى ستۋدەنتى ءوز-وزىنە قول جۇمساعان. الدىن الا مالىمەت بويىنشا, وقيعا الدىندا ءجاسوسپىرىم اكەسىنىڭ اۆتوكولىگىن زاقىمداعان, سودان كەيىن ونى شارۋاشىلىق قۇرىلىستارىنىڭ بىرىنەن ءولى كۇيىندە تاپقان. كورشىلەر مەن وتباسى تانىستارىنىڭ ايتۋىنشا, بۇل وتباسى جاعدايى جاقسى, ۇلگىلى وتباسى رەتىندە تانىلعان: اتا-اناسى جۇمىس ىستەيدى, ۇلكەن بالالارى جوعارى وقۋ ورىندارىندا وقيدى, ال كەنجە قىزى مەكتەپكە بارادى.
جامبىل وبلىستىق پوليتسيا دەپارتامەنتىنىڭ ءباسپاسوز قىزمەتى اگەنتتىككە بەرگەن تۇسىنىكتەمەسىندە بۇل دەرەك بويىنشا ابايسىزدا ولىمگە اكەپ سوعۋ فاكتىسى بويىنشا سوتقا دەيىنگى تەرگەۋ باستالعانىن حابارلادى.
«پوليتسيا قىزمەتكەرلەرى كۇدىكتىنى انىقتاپ, بولىمگە جەتكىزدى. قازىرگى ۋاقىتتا ءىستى تولىق, جان-جاقتى جانە وبەكتيۆتى تەرگەۋ ماقساتىندا قاجەتتى تەرگەۋ امالدارى جۇرگىزىلىپ جاتىر», دەلىنگەن پوليتسيا حابارلاماسىندا.
ايتا كەتەيىك, كامەلەتكە تولماعان بالالاردىڭ اتا-انالارىنا قاتىستى تاربيەلەۋ جانە باقىلاۋ مىندەتتەرىن تيىسىنشە ورىنداماعانى ءۇشىن جاۋاپكەرشىلىك ماسەلەسى دە قاراستىرىلىپ جاتىر. سەبەبى جاسوسپىرىمدەردىڭ اتىس قارۋىنا قول جەتكىزۋى جانە تۇنگى ۋاقىتتا قاراۋسىز ءجۇرۋى وسى وقيعاعا سەبەپ بولۋى مۇمكىن ەكەنى ايتىلدى.