الماتىنىڭ ورتالىعىندا جول تالعامايتىن كولىك قوزعالىستى رەتتەپ تۇرعان پوليتسيا قىزمەتكەرىن قاعىپ كەتتى, دەپ حابارلايدى Egemen.kz.
پوليتسيا دەپارتامەنتىنىڭ مالىمەتىنشە, وقيعا 7 قاراشا كۇنى ساعات 15:10 شاماسىندا جەلتوقسان جانە ساتباەۆ كوشەلەرىنىڭ قيىلىسىندا بولعان.
– Toyota ماركالى اۆتوكولىكتىڭ جۇرگىزۋشىسى جەلتوقسان داڭعىلى بويىمەن وڭتۇستىك باعىتتا كەلە جاتىپ, ساتباەۆ كوشەسىنە سولعا بۇرىلعان ساتتە جولدىڭ ءجۇرىس بولىگىندە جانە قوزعالىستى قولمەن رەتتەپ تۇرعان پوليتسيا قىزمەتكەرىن قاعىپ كەتكەن. جول-كولىك وقيعاسى سالدارىنان پوليتسيانىڭ اعا لەيتەنانتى دەنە جاراقاتىن الدى, – دەلىنگەن پوليتسيا دەپارتامەنتىنىڭ ءباسپاسوز قىزمەتى تاراتقان حابارلامادا.
وقيعانىڭ ءمان-جايىن بوستاندىق اۋداندىق پوليتسيا باسقارماسىنىڭ قىزمەتكەرلەرى انىقتاپ جاتىر.