الماتى قالاسىندا قوعامدىق كولىك قاتىسقان جول اپاتتارىنىڭ سانى ءوسىپ وتىر, دەپ حابارلايدى Egemen.kz.
اكىمشىلىك پوليتسيا باسقارماسىنىڭ باسشىسى اسحات قۇلباەۆتىڭ مالىمەتىنشە, جىل باسىنان بەرى مەگاپوليستە قوعامدىق كولىك قاتىسقان 460-تان استام جول اپاتى تىركەلگەن, سونىڭ سالدارىنان 600-دەن استام ادام جاراقات العان.
رەيدتىك ءىس-شارالار بارىسىندا پوليتسەيلەر اۆتوبۋس جۇرگىزۋشىلەرى تاراپىنان 2 مىڭنان استام جول قوزعالىسى ەرەجەسىن بۇزۋ دەرەكتەرىن انىقتاعان.
اسحات قۇلباەۆ اۆتوپارك باسشىلارىنا جۇرگىزۋشىلەرگە كۇن سايىن نۇسقاۋلىق وتكىزۋ جانە اۆتوبۋستاردىڭ تەحنيكالىق جاعدايىن قاتاڭ باقىلاۋدا ۇستاۋ قاجەتتىگىن, اسىرەسە قىس ماۋسىمى الدىندا ەرەكشە نازار اۋدارۋ كەرەكتىگىن ايتتى.
«جۇرگىزۋشىنىڭ ءتارتىبى تەك قاۋىپسىزدىككە عانا ەمەس, سونىمەن قاتار قالا تۇرعىندارىنىڭ قوعامدىق كولىككە دەگەن سەنىمىنە دە اسەر ەتەدى. سوندىقتان اۆتوپارك باسشىلارى تاراپىنان جاۋاپكەرشىلىك پەن ءتارتىپتى كۇشەيتۋ قاجەت», دەدى ول.