سولتۇستىك قازاقستان وبلىسىندا ماعجان جۇماباەۆ اۋدانىنىڭ جاستار رەسۋرستىق ورتالىعى بۋحگالتەرى بىرنەشە جىل بويى بيۋدجەت قاراجاتىن ءوز شوتىنا زاڭسىز اۋدارىپ كەلگەنى انىقتالدى. ايەل ادامعا قاتىستى سوت ۇكىمى شىقتى, دەپ حابارلايدى Egemen.kz.
تەكسەرۋ بارىسىندا بەلگىلى بولعانداي, ورتالىقتىڭ ەسەپشىسى 2020 جىلدىڭ قاڭتارىنان 2025 جىلدىڭ اقپانىنا دەيىن ءوز اتىنا جالپى سوماسى 17 ميلليون تەڭگە بولاتىن جالاقى مەن وزگە دە تولەمدەردى زاڭسىز اۋدارىپ وتىرعان.
اتالعان دەرەك بويىنشا اۋدان پروكۋراتۋراسى قىلمىستىق كودەكستىڭ 189-بابى 4-بولىگىنىڭ 2) تارماعى («سەنىپ تاپسىرىلعان بوتەننىڭ مۇلكىن يەمدەنۋ نەمەسە جىمقىرۋ») بويىنشا سوتقا دەيىنگى تەرگەۋدى باستاعان.
«ماعجان جۇماباەۆ اۋداندىق سوتىنىڭ 2025 جىلعى 29 قىركۇيەكتەگى ۇكىمىمەن ەسەپشى كىنالى دەپ تانىلىپ, بارلىق مەنشىك نىسانىنداعى ۇيىمداردا ماتەريالدىق جاۋاپكەرشىلىك پەن بۋحگالتەرلىك قىزمەتكە بايلانىستى لاۋازىمداردى اتقارۋ قۇقىعىنان ايىرا وتىرىپ, 7 جىلعا باس بوستاندىعىنان ايىرىلدى. ۇكىم زاڭدى كۇشىنە ەندى», دەلىنگەن حابارلامادا.
سونىمەن قاتار, سوتتالۋشىنىڭ جاس بالاسى بولعاندىقتان, جازانى وتەۋ مەرزىمى 2028 جىلدىڭ 27 قىركۇيەگىنە دەيىن, ياعني بالا ون ءتورت جاسقا تولعانعا دەيىن كەيىنگە قالدىرىلدى.
مەملەكەتكە كەلتىرىلگەن زالال ءىشىنارا وتەلگەن.