استانادا جەڭىل رەلستى كولىك (LRT) جۇيەسىندە جۇمىس ىستەۋگە جاڭا قىزمەتكەرلەر قابىلداۋ باستالدى, دەپ حابارلايدى Egemen.kz CTS كومپانياسىنا سىلتەمە جاساپ.
كومپانيا كەلەسى بوس جۇمىس ورىندارىن ۇسىنادى:
ستانتسيا اۋىسىمىنىڭ باسشىلارى; ستانتسيا كەزەكشىلەرى; قوزعالىس ديسپەتچەرلەرى (جىلجىمالى قۇرام ورتالىعى); ورتالىق پوستتىڭ ديسپەتچەرلەرى; LRT جابدىقتارى مەن ينفراقۇرىلىمىن باسقارۋ ورتالىعىنىڭ ديسپەتچەرلەرى; سيگنال بەرۋ جۇيەسى تەحنيكتەرى; بايلانىس تەحنيكتەرى; ەلەكترومونتەرلەر; جول جوندەۋ ۋچاسكەسىنىڭ شەبەرلەرى; جابدىقتاردى جوندەۋ سلەسارلارى; قويما مەڭگەرۋشىلەرى.وقىتۋ جانە جۇمىسقا ورنالاسۋ
بولاشاق قىزمەتكەرلەردى وقىتۋ جۇمىس بەرۋشىنىڭ ەسەبىنەن جۇرگىزىلەدى. باعدارلاما تەوريالىق جانە پراكتيكالىق دايىندىقتان تۇرادى جانە قازاقستان مەن قىتاي حالىق رەسپۋبليكاسىندا وتەدى. كۋرستىڭ ۇزاقتىعى جۇمىسىنا بايلانىستى 4–6 ايدى قۇرايدى.
وقۋ اياقتالعان سوڭ قاتىسۋشىلار حالىقارالىق ۇلگىدەگى سەرتيفيكات پەن LRT قۇرىلىمدارىندا كەپىلدى جۇمىس ورنىن الادى.
كانديداتتارعا قويىلاتىن تالاپتار:
كولىك, ماشينا قۇراستىرۋ, ەلەكتروتەحنيكا نەمەسە وسىعان ۇقساس باعىتتار بويىنشا جوعارى نەمەسە ارناۋلى ورتا ءبىلىم;
كەمىندە 2 جىلدىق جۇمىس ءوتىلى.
وقۋ كەزەڭىندە بەس كۇندىك جۇمىس اپتاسى قاراستىرىلعان. ال جۇمىسقا ورنالاسقاننان كەيىن ەڭبەك كەستەسى لاۋازىمنىڭ ەرەكشەلىگىنە قاراي اۋىسىمدىق بولۋى مۇمكىن.