استانانىڭ سارىارقا اۋدانىنداعى كوتەرمە-بولشەك ساۋدا بازارىنان ءورت شىقتى, دەپ حابارلايدى Egemen.kz توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەمە جاساپ.
ءورت ى.دۇكەن ۇلى كوشەسىندەگى ءبىر قاباتتى عيماراتتى شارپىعان. وقيعا ورنىندا قۇتقارۋشىلار كۇشەيتىلگەن رەجيمدە جۇمىس ىستەپ جاتىر, جەدەل شتاب قۇرىلدى.
ء«ورت سوندىرۋشىلەر كەلگەن كەزدە وت تولىق لاۋلاپ تۇردى, سونداي-اق عيمارات قۇرىلىسىنىڭ ەرەكشەلىكتەرىنە, جوعارى ءورت جۇكتەمەسىنە جانە قاتتى تۇتىنگە بايلانىستى كۇردەلەندى», دەدى تجم وكىلدەرى.
قۇتقارۋشىلار عيمارات ىشىندە ادامداردىڭ بار-جوعىن تەكسەردى. ءورت كەزىندە تۇتىنۋشىلار بولماعان. ءورت سوندىرۋشىلەر جالىننىڭ تارالۋ قاۋپىن جويدى.
تجم ساعات 8:26-دا ءورتتىڭ وقشاۋلانعانىن حابارلادى.
ء«ورت سوندىرۋشىلەر جاسىرىن جانۋ وشاقتارىن انىقتاۋ ءۇشىن بۋتيكتەردىڭ ارتىنداعى ءۇي-جايلاردى تەكسەرىپ جاتىر», دەلىنگەن حابارلامادا.
ءورتتى سوندىرۋگە جەكە قۇرامنان 95 ادام جانە 25 بىرلىك تەحنيكا جۇمىلدىرىلدى.
جاڭارتىلعان دەرەكتەرگە سايكەس, ءورت تولىق ءسوندىرىلدى. ءورتتىڭ شىعۋ سەبەبى ازىرگە انىقتالعان جوق.