ماسكەۋدە تاۋەلسىز مەملەكەتتەر دوستاستىعىنا مۇشە مەملەكەتتەردىڭ قاۋىپسىزدىك كەڭەستەرى حاتشىلارىنىڭ XIII كەزدەسۋى ءوتتى. ءىس-شاراعا قازاقستان رەسپۋبليكاسى قاۋىپسىزدىك كەڭەسىنىڭ حاتشىسى عيزات نۇرداۋلەتوۆ قاتىستى.
جيىندا وڭىرلىك قاۋىپسىزدىك جاعدايى جونىندە جان-جاقتى پىكىر الماسۋ بولدى. تاراپتار تمد اۋماعىنداعى سىن-قاتەرلەر مەن قاۋىپتەردى جانە وعان بىرلەسىپ دەن قويۋ شارالارىن تالقىلادى.
قازاقستان رەسپۋبليكاسى قاۋىپسىزدىك كەڭەسىنىڭ حاتشىسى ارىپتەستەرىن ەلىمىزدىڭ نەگىزگى باعىتتار بويىنشا ۇستانىمىمەن تانىستىرىپ, ىنتىماقتاستىقتى دامىتۋ جونىندە بىرقاتار ۇسىنىسىن جەتكىزدى. اتاپ ايتقاندا, حالىقارالىق تەرروريستىك جەلىلەردىڭ قىزمەتىن توقتاتۋ, ەسىرتكى قىلمىسىنا جانە تسيفرلىق اكتيۆتەرمەن وپەراتسيالار سالالارىنداعى تەرىس پايدالانۋعا قارسى ءىس-قيمىل جونىندەگى بىرلەسكەن شارالاردى كۇشەيتۋ ماسەلەلەرى قارالدى.