مارافونعا الەمنىڭ تۇكپىر-تۇكپىرىنەن بارلىعى 55 مىڭنان استام, ال قازاقستاننان 44 سپورتشى قاتىستى, دەپ جازادى Egemen.kz.
80 جاستاعى قازاقستاندىق سالتانات تۇيتەباەۆ الەمدەگى ەڭ قيىن مارافونداردىڭ ءبىرى سانالاتىن نيۋ-يورك مارافونىن باعىندىرىپ, 80-89 جاس ساناتى بويىنشا جەڭىسكە جەتتى. 2025 جىلدىڭ 2 قاراشاسىندا ول ايگىلى ۆەرازانو كوپىرىنەن باستاپ, بەس كوپىردى ەڭسەرىپ, ۇلكەن سىننان سۇرىنبەي ءوتتى.
الەم سپورتشىلارى "بەيرەسمي الەم چەمپيوناتى" دەپ اتايتىن نيۋ-يورك مارافونى كۇردەلى باعىتىمەن ەرەكشەلەنەدى. جارىس جولىنىڭ العاشقى شاقىرىمى ستەيتەن-ايلەند پەن برۋكليندى جالعايتىن ۆەرازانو (Verrazzano-Narrows Bridge) كوپىرىنەن باستالادى. ۇزىندىعى شامامەن 4 شاقىرىم بولاتىن بۇل كوپىر تەڭىز دەڭگەيىنەن 69,5 مەتر بيىكتىكتە ورنالاسقان. سوندىقتان ول جۇگىرۋشىلەرگە قوسىمشا قيىندىق تۋدىرادى.سالتانات تۇيتەباەۆ جاسىنا جانە كۇردەلى باعىتقا قاراماستان 4 ساعات 45 مينۋت 56 سەكۋند ناتيجەسىن كورسەتتى.
بۇعان دەيىن ول استانادا وسىنداي قاشىقتىقتى 4 ساعات 25 مينۋتتا جۇگىرىپ وتكەن ەدى. الايدا نيۋ-يورك تاس جولدارى الدەقايدا قيىن بولدى. سەبەبى بەس كوپىردىڭ ارقايسىسى ايتارلىقتاي كۇش پەن توزىمدىلىكتى تالاپ ەتتى.