ەلوردادا 7 قاراشا كۇنى ساعات 13:30-دا «Esil University» عيماراتىندا بوس جۇمىس ورىندارىنىڭ جارمەڭكەسى ۇيىمداستىرىلادى, دەپ حابارلايدى Egemen.kz.
جارمەڭكەنى جاستار ساياساتى ماسەلەلەرى باسقارماسى, «استانا جاستارى» جاستار رەسۋرستىق ورتالىعى, قالالىق ەڭبەك موبيلدىلىگى ورتالىعى جانە «Esil University» بىرلەسىپ وتكىزەدى.
ءىس-شارانىڭ نەگىزگى ماقساتى – جۇمىسسىز ازاماتتار مەن وقۋ ورىندارىنىڭ تۇلەكتەرىن جۇمىسپەن قامتاماسىز ەتۋ, سونداي-اق جۇمىس بەرۋشىلەر مەن كانديداتتاردىڭ تىكەلەي بايلانىسىن ورناتۋ.
جارمەڭكە بارىسىندا كومپانيالار ءوز قىزمەتىن تانىستىرىپ, بوس جۇمىس ورىندارىن ۇسىنادى. سونداي-اق ولار ەڭ لايىقتى ۇمىتكەرلەردىڭ جەكە بازاسىن قالىپتاستىرادى. ءوز كەزەگىندە جۇمىس ىزدەۋشىلەرگە HR-مەنەدجەرلەرمەن سۇحباتتاسۋعا جانە وزدەرىن قىزىقتىرعان سۇراقتارىن قويۋعا مۇمكىندىك بەرىلەدى.