بۇگىن قازاقستان قور بيرجاسىندا كۇندىك ساۋدا-ساتتىق اياقتالعاننان كەيىن دوللار باعامى كۇرت تومەندەپ, ورتاشا كۋرسى 522,49 تەڭگەگە جەتتى. ياعني, ءبىر كۇندە 5,42 تەڭگەگە قۇلدىرادى, دەپ حابارلايدى Egemen.kz.
قىتاي ءيۋانىنىڭ باعامى دا ازداپ تومەندەپ, 73,23 تەڭگەنى كورسەتتى. ال ايىرباس پۋنكتتەرىندە دوللار 524,7-527,2 تەڭگە ارالىعىندا ساتىلىپ جاتىر. ەۆرو 602,9-608 تەڭگە, رەسەي ءرۋبلى 6,40-6,52 تەڭگە شاماسىندا باعالانىپ وتىر.
سونىمەن قاتار الەمدىك نارىقتا مۇناي باعاسى دا تومەندەدى. Brent ماركالى مۇناي فيۋچەرستەرى 64,52 دوللارعا, WTI 60,68 دوللارعا دەيىن ءتۇستى. وسىعان دەيىن ۇلتتىق بانك كۇندىزگى كۋرس رەتىندە دوللاردى 528,31 تەڭگەدەن, ەۋرونى 608,35 تەڭگەدەن, ءرۋبلدى 6,55 تەڭگەدەن بەكىتكەن بولاتىن.