كۇمىسباستاۋدا كولا وندىرىلەدى

اۋىزسۋ مەن الكوگولسىز سۋ­سىن­­­دار وندىرۋگە ماماندانعان كا­سىپ­ورىنعا شامامەن 9 ملرد تەڭگە كولە­­­مىندە ينۆەستيتسيا تارتىلعان. زاۋىت جىلىنا 120 مىڭ تونناعا دەيىن سۋسىن وندىرەدى. ونىمدەر مەتالل جانە پلاستيك قۇتىلاردا شىعارىلىپ, ىشكى نارىقتان بولەك, كورشى ەلدەرگە دە ەكسپورتتالماق. جاڭا زاۋىتتىڭ ەرەكشەلىگى – نەمىس جانە يتاليالىق زاما­ناۋي تەحنولوگيالارعا نەگىزدەلگەن ءوندى­رىس جەلىلەرى مەن ەكولوگيالىق تازا, كوپساتىلى سۋ تازارتۋ جۇيە­سى. وندىرىستە پايدالانىلاتىن سۋ كاسىپورىن ماڭىنداعى 170 مەتر تەرەڭدىكتەگى ۇڭعىمالاردان الىنىپ, جوعارى حالىقارالىق ستاندارتتارعا ساي تازارتىلادى. سۋدىڭ ساپاسى اقش پەن يتاليانىڭ جەتەكشى زەرتحانالارىندا ارنايى تەكسەرىستەن وتكەن.

جاڭا زاۋىتتىڭ اشىلۋ سالتاناتىندا وبلىس اكىمى نۇرالحان كوشەروۆ كاسىپورىن ۇجىمىنا ساتتىلىك تىلەپ, مەملەكەت تاراپىنان كورسەتىلگەن قولداۋلارعا توقتالدى.

«پرەزيدەنت قاسىم-جومارت توقاەۆ ەلىمىزدە كاسىپكەر­لىككە قولداۋ كورسەتۋدى, شەتەلدىك جانە وتاندىق ينۆەستورلار ءۇشىن قولايلى ورتا قالىپتاستىرۋدى باستى باسىمدىقتاردىڭ ءبىرى رە­تىندە اتاپ ءوتتى. بۇل جوبا – سول تاپ­سىرمالاردىڭ ناقتى ورىندالۋى­نىڭ ايعاعى. جەرگىلىكتى اكىمدىك ين­فراقۇرىلىمدى جەتكىزىپ, بارلىق قاجەتتى قولداۋدى كورسەتتى. ەندىگى مىندەت – ساپالى ءونىم شىعارىپ, ونى تەك ىشكى ەمەس, سىرتقى نارىققا دا ۇسىنۋ», دەدى وبلىس اكىمى.

اشىلۋ راسىمىنە قاتىسقان «RC Cola International» كومپانيا­سى­نىڭ باس مەنەدجەرى فرەنسيس لامپەرا, «Freedom Bank» باسقارما توراعاسى گۇلفايرۋز احمەتوۆا, سونداي-اق جوبانىڭ يدەيا اۆتورى ءارى ينۆەستورى – «Beibars Bottlers» جشس قۇرىل­تاي­شىسى امانگەلدى نۇروۆ كاسىپورىننان باسەكەگە قابىلەتتى ءونىم شىعاتىنىنا سەنىم ءبىلدىرىپ, ىزگى تىلەكتەرىن جەتكىزدى. جوبانى ىسكە اسىرۋ اياسىندا زاۋىتتىڭ ينفراقۇرىلىمىن جەتكىزۋ ءۇشىن 705 ملن تەڭگەگە 6 140 مەترلىك 35 كۆ ەلەكتر جەلىسى مەن قوسالقى ستانسا سالىندى. جالپى اۋماعى – 5 565 شارشى مەتر بولاتىن زاۋىتقا 25 ملن تەڭگەگە تابيعي گاز قۇبىرى تارتىلىپ, 240 ملن تەڭگەگە كارىز جۇيەسى مەن تازارتۋ قوندىرعىلارى ورناتىلعان.

ايتا كەتەلىك, تۇلكىباس اۋدا­نىندا قۋاتتىلىعى جىلىنا 48 مىڭ توننا قۇس ەتىن وندىرەتىن فابريكانىڭ قۇرىلىسى جۇر­گىزىل­مەك. جوباعا جالپى  53,7 ملرد تەڭگە ينۆەستيتسيا تارتىلادى. قولداۋ كورسەتۋ ماقساتىندا «تۇركىستان» الەۋمەتتىك-كاسىپ­كەر­لىك كورپوراتسياسى تاراپىنان 5 ملرد تەڭگە نەسيە بەرىلمەك. سونىمەن قاتار مەملەكەت تاراپىنان قاجەتتى ينفراقۇرىلىممەن قامتاماسىز ەتۋ جۇمىستارى جۇرگىزىلەدى. جوبا ىسكە قوسىلعاندا 1 200-دەن اسا جاڭا جۇمىس ورنى اشىلادى. اۋماعى 517,7 گەكتار جەر بولاتىن جوبا اياسىندا 96 قۇس فەرماسىن, ينكۋباتور, قۇراما جەم زاۋىتى, گاز-ەلەكتر ستانساسى, قۇس سويۋ جانە قالدىق وڭدەۋ تسەحى جانە توڭازىتقىش قويمالار سالۋ كوزدەلگەن. جوبا ءۇش كەزەڭنەن تۇرادى. ءبىرىنشى كەزەڭى 2026–2027 جىلدارى جۇزەگە اسىرىلىپ, 21,9 ملرد تەڭگە ينۆەستيتسيا سالىنادى, 550 جۇمىس ورنى قۇرىلىپ, 15 مىڭ توننا ءونىم ءوندىرۋ جوس­پارلانىپ وتىر. ەكىنشى كەزەڭدە 15,8 ملرد تەڭگە ينۆەستيتسيا تارتىلىپ, 325 جۇمىس ورنى اشىلماق. وندىرىلەتىن ءونىم كولەمى – 24 مىڭ توننا. ءۇشىنشى كەزەڭ 2029–2030 جىلدارى جۇزەگە اسىرىلىپ, 16 ملرد تەڭگە ينۆەستيتسيا سالىنادى, 48 مىڭ توننا ءونىم ءوندىرىلىپ, 325 جۇمىس ورنى قۇرىلادى.

تۇركىستان وبلىسى