قاتاڭ تارتىپپەن جۇرەتىن اسكەري ومىردە دە شىعارماشىلىققا ورىن بار. مۇنىڭ جارقىن ۇلگىسى – 5573 اسكەري ءبولىمىنىڭ ساربازى قاتارداعى ايدىن راحىموۆ. ول اسكەري قىزمەتىن وتەي ءجۇرىپ, مۋلتفيلم ارقىلى پاتريوتيزم مەن دوستىقتى ناسيحاتتاپ ءجۇر, دەپ جازادى Egemen.kz.
ايدىن ءۇشىن انيماتسيا – تەك حوببي ەمەس, پاتريوتتىق سەزىم مەن رۋحاني قۇندىلىقتى دارىپتەيتىن قۇرال. قارۋلاستارى ونىڭ جوبالارىنا اتسالىسىپ, كەيىپكەرلەردى دىبىستاۋعا, يدەيا ۇسىنۋعا كومەكتەسەدى. ال كومانديرلەرى ساربازدىڭ شىعارماشىلىعىن قولداپ, مۇنداي باستامالار اسكەري رۋحتى كوتەرىپ, ۇجىمنىڭ بىرلىگىن ارتتىراتىنىن اتاپ ءوتتى.
ء«مۋلتفيلمدى جاساعاندا مەن ۆيزۋالدى بولىگىنە بارىنشا ءمان بەرۋگە تىرىستىم, انيماتسيا مەن مونتاجدىڭ زاماناۋي باعدارلامالارىن قولداندىم. بۇل جۇمىسقا كوركەمدىك, شىنايىلىق جانە زاماناۋي سيپات بەرۋگە مۇمكىندىك بەردى. دەگەنمەن ءالى دە جەتىلدىرە تۇسكىم كەلەتىن تۇستار بار», دەدى ايدىن.قىزمەت پەن شىعارماشىلىقتى قاتار الىپ ءجۇرۋ وڭاي ەمەس. دەگەنمەن ايدىن بۇل تەپە-تەڭدىكتى ساقتاي بىلەدى. سوزىنشە, اسكەردەگى مىندەت ارقاشان ءبىرىنشى ورىندا, بىراق بوس ۋاقىت تابىلا قالسا, ول شىعارماشىلىققا كوڭىل بولۋگە تىرىسادى.