2025 جىلدىڭ توعىز ايىنىڭ قورىتىندىسى بويىنشا الماتىنىڭ جەرگىلىكتى بيۋدجەتىنىڭ كىرىسى 1,6 ترلن تەڭگەگە جەتتى. قالا اكىمدىگى بۇل وتكەن جىلدىڭ سايكەس كەزەڭىمەن سالىستىرعاندا 20%-عا ارتىق ەكەنىن مالىمدەدى. بولجام بويىنشا, جىل سوڭىنا دەيىن قالا بيۋدجەتىنە تۇسىمدەردىڭ جالپى كولەمى 2,3 ترلن تەڭگەدەن اسۋى مۇمكىن, بۇل مەگاپوليس تاريحىنداعى رەكوردتىق كورسەتكىش بولۋى ىقتيمال, دەپ جازادى Egemen.kz.
وسى تۇراقتى ءوسىمنىڭ ارقاسىندا الماتى تاريحىندا العاش رەت قالا بيۋدجەتىنە تۇسىمدەردىڭ جالپى كولەمى 2025 جىلدىڭ سوڭىنا قاراي 2,3 ترلن تەڭگەدەن اسۋى مۇمكىن. بۇل رەكوردتىق كورسەتكىش 35 جىل ىشىندە جاسامپازدىق پەن پروگرەستىڭ سيمۆولىنا اينالعان مەگاپوليستىڭ تۇراقتى دامۋىنىڭ تىكەلەي كورىنىسى.
الماتىدا يننوۆاتسيالار مەن كاسىپكەرلىكتى ىنتالاندىرۋ ءۇشىن جاڭا تەحنوپاركتەر مەن بيزنەس الاڭدار بەلسەندى تۇردە قۇرىلىپ جاتىر. سونىمەن قاتار از قامتىلعان وتباسىلاردى, زەينەتكەرلەر مەن مۇمكىندىگى شەكتەۋلى ادامداردى الەۋمەتتىك قولداۋ كۇشەيتىلىپ وتىر. قالا تۇرعىن ءۇي-كوممۋنالدىق شارۋاشىلىققا, كولىك پەن دەنساۋلىق ساقتاۋ سالاسىنا «اقىلدى» تەحنولوگيالاردى ەنگىزەدى, بۇل قالا تۇرعىندارىنىڭ ءومىر ءسۇرۋ ساپاسىن جانە باسقارۋ تيىمدىلىگىن ايتارلىقتاي ارتتىرادى.
«وڭتۇستىك استانا ەكونوميكالىق ءوسىمدى, يننوۆاتسيالاردى جانە ادامعا قامقورلىقتى ۇيلەسىمدى ۇيلەستىرە وتىرىپ, كۇن سايىن جاڭارتىلىپ, بولاشاقتىڭ جايلى, زاماناۋي جانە تۇراقتى قالاسىنا اينالىپ كەلەدى», دەپ حابارلادى مەگاپوليستىڭ ءباسپاسوز قىزمەتى.
قالالىق سالالارعا – تكش, كولىك جانە دەنساۋلىق ساقتاۋ سالالارىنا قالالىق باسقارۋدىڭ تيىمدىلىگىن ارتتىرۋعا جانە قالا تۇرعىندارىنىڭ ءومىر ءسۇرۋ ساپاسىن جاقسارتۋعا باعىتتالعان «اقىلدى» تەحنولوگيالار ەنگىزىلىپ جاتىر.
«الماتى كۇن سايىن جاڭارىپ, ەكونوميكالىق ءوسىمدى, يننوۆاتسيالاردى جانە ادامعا قامقورلىقتى ۇشتاستىرىپ, بولاشاقتىڭ جايلى, زاماناۋي جانە تۇراقتى قالاسىنا اينالىپ كەلەدى», دەپ تۇيىندەدى قالا اكىمدىگى.
بۇعان دەيىن الماتىدا وسى جىلدىڭ 9 ايىنىڭ قورىتىندىسى بويىنشا شاعىن بيزنەس 670 ملرد تەڭگە سالىق ءتۇسىمىن قامتاماسىز ەتكەنى ايتىلعان بولاتىن. بۇل وتكەن جىلدىڭ وسى كەزەڭىمەن سالىستىرعاندا 30%-عا ارتىق. الماتىدا اعىمداعى جىلدىڭ 9 ايىنىڭ قورىتىندىسى بويىنشا شاعىن بيزنەس 670 ملرد تەڭگە سالىق ءتۇسىمىن قامتاماسىز ەتتى, بۇل وتكەن جىلدىڭ وسى كەزەڭىمەن سالىستىرعاندا 30%-عا ارتىق. قالا اكىمىنىڭ ورىنباسارى ولجاس سماعۇلوۆتىڭ ايتۋىنشا, تۇراقتى ماكروەكونوميكالىق جاعداي مەن كاسىپكەرلىكتى قولداۋ شارالارى اياسىندا وڭ ديناميكا بايقالادى.
ء«بىز قازىر جاڭا سالىق كودەكسى جانە ونىڭ ەكونوميكا مەن كاسىپكەرلىك سالاسىنا اسەرى تۋرالى ۇلكەن پىكىرتالاستار ءجۇرىپ جاتقانىن بىلەمىز. ءبىزدىڭ بولجامىمىز بويىنشا كەلەسى جىلى ينفلياتسيانىڭ قالىپتى دەڭگەيى كۇتىلىپ وتىر, بۇل رەتتە شاعىن جانە ورتا بيزنەس بويىنشا كىرىستەر ساقتالادى. الماتىنىڭ جەرگىلىكتى بيۋدجەتىنە سالىق بازاسىنىڭ تۇسىمدەرى بويىنشا بارلىق جوسپارلى كورسەتكىشتەرگە قول جەتكىزىلەدى», دەپ اتاپ ءوتتى ولجاس سماعۇلوۆ.
ونىڭ ايتۋىنشا, 2026 جىلى بيۋدجەتتىڭ كىرىس بولىگى سالىق تۇسىمدەرىنەن 2,6 ترلن تەڭگە دەڭگەيىندە بولۋ كەرەكتىگى جوسپارعا الىنعان, ال 2025 جىلى 2,3 ترلن تەڭگە كولەمىندە ورىندالۋى كۇتىلىپ وتىر.
«جاڭا سالىق كودەكسىن ەسكەرە وتىرىپ, ءبىز اعىمداعى دەڭگەيدەن 300 ملرد تەڭگەگە ارتىق ءتۇسىمدى قامتاماسىز ەتۋىمىز كەرەك, ونىڭ ىشىندە ققس جانە باسقا دا نوۆەللالار ەسەبىنەن», دەپ تولىقتىردى اكىم ورىنباسارى.
سونىمەن قاتار, قالالىق ەكونوميكا جانە قارجى باسقارماسىنىڭ باسشىسى باۋىرجان قۇدايبەرگەنوۆ حابارلاعانداي, فيسكالدىق شارالارمەن قاتار شوب-ءتى قولداۋدىڭ قارجىلىق قۇرالدارى دا ساقتالاتىن بولادى.
«دامۋ» قورىمەن جانە قازاقستاننىڭ دامۋ بانكىمەن بىرلەسىپ كەلەسى جىلى الماتى ءۇشىن جەرگىلىكتى جاڭا باعدارلامالار ازىرلەۋ جوسپارلانىپ جاتىر. بالكىم, ولار «ورلەۋ الماتى» باعدارلاماسىنىڭ شەڭبەرىنە ەنەتىن شىعار. قازىر ءبىز قولداۋ ءۇشىن شوب قىزمەتىنىڭ باسىم باعىتتارى مەن تۇرلەرىن انىقتاپ جاتىرمىز. قاراشا ايىندا جەكەلەگەن شارالاردى ەنگىزۋ كۇتىلىپ وتىر», دەپ اتاپ ءوتتى ب.قۇدايبەرگەنوۆ.
الماتى اكىمدىگى قالا ەكونوميكاسىنىڭ باستى درايۆەرلەرىنىڭ ءبىرى بولىپ وتىرعان شاعىن جانە ورتا بيزنەستى دامىتۋ ءۇشىن جاعداي جاساۋعا ەرەكشە كوڭىل ءبولۋدى جالعاستىرىپ جاتىر.