رەسپۋبليكا كۇنى قارساڭىندا جەتىسۋ وبلىسىندا 25 جاڭا الەۋمەتتىك نىسان قولدانىسقا بەرىلدى, دەپ جازادى Egemen.kz.
ولاردىڭ قاتارىندا مەكتەپتەر, بالاباقشالار, سپورت جانە دەنساۋلىق ساقتاۋ نىساندارى, سونداي-اق ساياباقتار مەن بالالار ويىن الاڭدارى بار.
اتاپ ايتقاندا, قاراتال اۋدانىنىڭ المالى اۋىلىندا جاڭا دەنە شىنىقتىرۋ-ساۋىقتىرۋ كەشەنى اشىلدى. بۇل جوبا تۇرعىنداردىڭ ءوتىنىشى بويىنشا جۇزەگە اسقان. مۇندا بالالار ۆولەيبول, كۇرەس, ۇستەل تەننيسى, توعىزقۇمالاق سياقتى سپورت تۇرلەرىمەن اينالىسادى.
سونىمەن قاتار, پانفيلوۆ اۋدانىنىڭ اۋليەاعاش اۋىلىنداعى 624 ورىندىق مەكتەپ كۇردەلى جوندەۋدەن ءوتىپ, ۇلكەنشىعان اۋىلىندا 120 ورىندىق جەكەمەنشىك بالاباقشا پايدالانۋعا بەرىلدى.
جاڭا نىسانداردىڭ اشىلۋى ايماق تۇرعىندارىنىڭ ءومىر ساپاسىن جاقسارتىپ, ءبىلىم مەن سپورت ينفراقۇرىلىمىن دامىتۋعا سەرپىن بەردى.