ۇلتتىق اكادەميالىق كىتاپحانادا اباي قۇنانباي ۇلىنىڭ 180 جىلدىعى اياسىندا جەتى تىلگە اۋدارىلعان «ۇرپاققا ۇلاعات» كىتابىنىڭ تۇساۋكەسەرى ءوتتى, دەپ جازادى Egemen.kz.
جيناق ءبىلىم, ادامگەرشىلىك, قوعام جانە رۋحاني دامۋ جونىندەگى يدەيالارى بۇگىنگى تاڭدا وزەكتى بولىپ وتىرعان تۇلعا – ابايدىڭ فيلوسوفيالىق مۇراسىمەن تانىسۋعا مۇمكىندىك بەرەدى.
بەيىمدەلگەن نۇسقانىڭ اۆتورى – كوپ جىلدىق تاجىريبەسى بار ۇستاز, قازاق ءتىلىن وقىتۋدىڭ بىرەگەي ادىستەمەسى مەن وقۋ-ادىستەمەلىك قۇرالدارىنىڭ اۆتورى, كاسىبي قىزمەتىن وسكەلەڭ ۇرپاقتى تاربيەلەۋ مەن رۋحاني-مادەني قۇندىلىقتاردى ناسيحاتتاۋعا ارناعان - گۇلميرا اماندىقوۆا.
كىتاپ اعىلشىن, يسپان, قىتاي, نەمىس, ورىس, تۇرىك جانە فرانتسۋز تىلدەرىنە اۋدارىلعان.
باسىلىمنىڭ رەتسەنزەنتتەرى مەن كەڭەسشىلەرى يسپانيا كورولدىگىنىڭ ەلشىسى لۋيس فرانسيسكو مارتينەس مونتەس, قازاقستان رەسپۋبليكاسىنداعى فرانتسيا ەلشىلىگىنىڭ قۇرمەتتى كونسۋلى دومينيك پاجەس, فرانتسۋز عالىمى كەترين پۋحال, قىتايلىق جازۋشى جانە اۋدارماشى اكبار ماجيت, نەمىس جازۋشىسى, انكاران ۋنيۆەرسيتەتىنىڭ پروفەسسورى اننا رافاتحان جانە اننا تۋكەرحان.
ءىس-شاراعا زيالى قاۋىم وكىلدەرى, شەت مەملەكەتتەردىڭ ديپلوماتيالىق كورپۋس وكىلدەرى, قازاقستان مەن شەتەلدىڭ عىلىمي جانە شىعارماشىلىق زيالىلارى, استاناداعى وقۋ ورىندارىنىڭ وقىتۋشىلارى مەن ستۋدەنتتەرى, كىتاپحانا وقىرماندارى قاتىستى.