ءماجىلىس ۇكىمەت ۇسىنعان 2026-2028 جىلدارعا ارنالعان رەسپۋبليكالىق بيۋدجەت تۋرالى زاڭدى قابىلدادى, دەپ جازادى Egemen.kz.
قۇجات مەملەكەت باسشىسىنىڭ تاپسىرماسى بويىنشا بيۋدجەت كودەكسىنىڭ تالاپتارىنا سايكەس ازىرلەنگەن.سونداي-اق 2026-2028 جىلدارعا ارنالعان رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالالار مەن استانا بيۋدجەتتەرى اراسىنداعى جالپى سيپاتتاعى ترانسفەرتتەردىڭ كولەمى تۋرالى زاڭ قابىلداندى. جەرگىلىكتى بيۋدجەتتەردىڭ كىرىستەرىنىڭ بولجامى جاڭا بيۋدجەت جانە سالىق كودەكستەرىنىڭ قولدانىسقا ەنگىزىلەتىنى ەسكەرىلە وتىرىپ قالىپتاستىرىلدى.
كىرىستەر 2026 جىلى 19,2 ترلن تەڭگە, 2027 جىلى 21,2 ترلن تەڭگە, 2028 جىلى 23,2 ترلن تەڭگە بولادى دەپ بولجانىپ وتىر. شىعىندار, سايكەسىنشە, 27,7 ترلن, 28,7 ترلن جانە 29,7 ترلن تەڭگە بولماق.
ۇلتتىق قوردان كەپىلدەندىرىلگەن ترانسفەرت جىل سايىن شامامەن 2,8 تريلليون تەڭگەنى قۇرايدى. بيۋدجەت ساياساتىنىڭ نەگىزگى باسىمدىعى مەملەكەتتىك الەۋمەتتىك مىندەتتەمەلەردى تولىق جانە ۋاقىتىلى ورىنداۋ, سونداي-اق عىلىم, ءبىلىم بەرۋ جانە مەديتسينانى قولداۋدى ارتتىرۋ ارقىلى ادامي كاپيتالدى دامىتۋ بولىپ قالا بەرەدى. سونداي-اق زاڭ جوباسىن قاراۋ بارىسىندا دەپۋتاتتار وڭىرلەردى دامىتۋدا بيۋدجەتتىك شىعىنداردى ۇلعايتۋدى كوزدەيتىن تۇزەتۋلەر ۇسىندى. بۇل ماقساتتارعا ۇكىمەت رەزەرۆىنەن قوسىمشا 30 ميلليارد تەڭگە جانە مەملەكەتتىك قارىزعا قىزمەت كورسەتۋ ەسەبىنەن 16,5 ميلليارد تەڭگە قاراستىرىلدى. بۇل قارجى جىلۋ, ەلەكتر, گاز, سۋمەن جابدىقتاۋدى دامىتۋعا, جاعالاۋدى نىعايتۋ جۇمىستارىنا جانە باسقا دا سالالارعا باعىتتالادى. سونىمەن قاتار ۇلتتىق ەكونوميكانىڭ باسەكەگە قابىلەتتىلىگى مەن ورنىقتىلىعىن قامتاماسىز ەتۋ ءۇشىن زاڭ جوباسىنا 1 ترلن تەڭگەنى قايتا ءبولۋ بويىنشا تۇزەتۋلەر ەنگىزىلدى. قارجى مينيسترلىگىنىڭ «جاڭا باستامالارعا ارنالعان شىعىستار» باعدارلاماسى بويىنشا جوسپارلانعان شىعىندار بيۋدجەت باعدارلامالارى اكىمشىلەرى اراسىندا بولىنگەن. بۇل قاراجات كەيىننەن وتاندىق ءوندىرىستى دامىتۋعا, ونەركاسىپتىك كاسىپورىنداردى قولداۋعا, ەلدىڭ ازىق-ت ۇلىك قاۋىپسىزدىگىن نىعايتۋعا, اگرارلىق سەكتوردى تەحنيكالىق جاڭعىرتۋ ارقىلى ەڭبەك ونىمدىلىگىن ارتتىرۋعا باعىتتالادى.