وتكەن عاسىردىڭ اياعى 1990 جىلدىڭ 25 قازان كۇنى قازاق سسر جوعارى سوۆەتىنىڭ ەكىنشى سەسسياسىندا «قازاق سوۆەتتىك سوتسياليستىك رەسپۋبليكاسىنىڭ مەملەكەتتىك ەگەمەندىگى تۋرالى» دەكلاراتسيا قابىلدانعان ەدى, دەپ جازادى Egemen.kz.
وسى ءبىر تاريحي داتالى وقيعاعا 35 جىل تولۋ قۇرمەتىنە وراي, استانا قالالىق كىتاپحانالار جۇيەسىنە قاراستى №3 بالالار كىتاپحاناسىندا «تۋعان ەلىم – تۇعىرىم» اتتى مادەني شارا ءوتىپ, وعان قالالىق بايىرعى ءبىلىم وشاعى 14-ءشى ورتا مەكتەپتىڭ وقۋشىلارى قاتىستى.
ەلىمىزدىڭ بولاشاعى جاس بۋىنعا كىتاپحانا قىزمەتكەرلەرى ەڭ اۋەلى بۇگىنگى ەگەمەندىگىمىزدىڭ ىرگەسىن قالاعان قۇجات دەكلاراتسيا تۋرالى تۇسىندىرە وتىرىپ, اتالاش ساياسي باعىتتىڭ ناتيجەسىندە, ەلىمىز قول جەتكىزگەن تاۋەلسىزدىك جەتىستىكتەرى حاقىندا تانىستىردى.
اتاپ ايتقاندا, رەسپۋبليكا تەرريتورياسى, زاڭدارى, رامىزدەرى جانە ەلورداسى تۋرالى مالىمەتتەر وقۋشىلار اراسىنا سۇراق-جاۋاپ ستيلىندە ناسيحاتتالىپ, مەملەكەت تاريحىنا قاتىستى ەلەۋلى وقيعالار بالالاردى قىزىقتىرۋ ءۇشىن سوزجۇمباق تۇرىندە ۇسىنىلدى.
مادەني شارا سوڭىندا وقۋشىلار وزدەرى دايىنداپ كەلگەن تاۋەلسىزدىك تۋرالى رەسپۋبليكامىزعا تانىمال اۆتورلاردىڭ جىرىن وقىدى.