استانادا اۋقىمدى فلەشموب ءوتتى. رەسپۋبليكا كۇنىنە وراي مەملەكەتتىك رامىزدەر الاڭىندا 1500-دەن استام وقۋشى «اتامەكەن» ءانىن شىرقادى, دەپ جازادى Egemen.kz.
فلەشموب وسكەلەڭ ۇرپاقتىڭ بويىندا ازاماتتىق بىرەگەيلىكتى, تاۋەلسىز قازاقستاننىڭ مەملەكەتتىك رامىزدەرى مەن داستۇرلەرىن قۇرمەتتەۋدى قالىپتاستىرۋدى كوزدەيدى. ورىنداۋ بارىسىندا قاتىسۋشىلار قازاقستاننىڭ جاس بۋىنىنىڭ بىرلىگى, دوستىعى مەن اشىقتىعىنىڭ سيمۆولى - اشىق الاقان بەينەسىن جاساپ, بەس قاتارعا تۇردى.
ايتا كەتەيىك, 25 قازاندا قازاقستاندا ۇلتتىق مەرەكە رەسپۋبليكا كۇنى اتاپ وتىلەدى. ايتۋلى مەرەكەگە وراي, استانادا 150-گە جۋىق مادەني-بۇقارالىق, ءبىلىم بەرۋ, سپورتتىق جانە الەۋمەتتىك ءىس-شارالار جوسپارلانعان.