ءماجىلىستىڭ جالپى وتىرىسىندا پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين مەملەكەتتىك قارجى پارامەترلەرىنىڭ اعىمداعى جاعدايى مەن الداعى جىلدارعا ارنالعان بولجامداردى تانىستىردى, دەپ حابارلايدى Egemen.kz.
ءمينيستردىڭ ايتۋىنشا, قازاقستاننىڭ سالىق-بيۋدجەت ساياساتى مەملەكەتتىك قارجىنىڭ ورنىقتىلىعى مەن تەڭگەرىمدىلىگىن قامتاماسىز ەتۋگە, بيۋدجەت تاپشىلىعىن ازايتۋعا, سونداي-اق ۇلتتىق قور قاراجاتىن ءوز قاراجاتىمەن الماستىرۋعا باعىتتالعان.
سونىمەن قاتار بيۋدجەت جوباسى مەملەكەتتىك قارجىنى باسقارۋدىڭ 2030 جىلعا دەيىنگى تۇجىرىمداماسىنا جانە بيۋدجەت قاعيداتتارىنا ساي ازىرلەنگەنىن اتاپ ءوتتى.
«كىرىستەر 2026 جىلى 19,2 ترلن تەڭگە كولەمىندە نەمەسە جالپى ىشكى ونىمگە قاتىستى 10,5% دەڭگەيىندە بولجانۋدا. وسى جىلدىڭ باعالاۋىمەن سالىستىرعاندا ءوسىم 4,7 ترلن تەڭگەنى قۇراپ, 2028 جىلعا قاراي 23,2 ترلن تەڭگەگە دەيىن نەمەسە 20,8%-عا وسەدى دەپ كۇتىلۋدە. جالپى, رەسپۋبليكالىق بيۋدجەتتىڭ مەنشىكتى كىرىستەرمەن قامتاماسىز ەتىلۋى 2025 جىلعى 63,7%-دان 2028 جىلى 83,5%-عا دەيىن وسەدى», دەدى سەرىك جۇمانعارين.