مەن قوستاناي قالاسىندا تۋىپ-ءوستىم. جوعارى اۆتوموبيل كولىگى كوللەدجىندە ءبىلىم الىپ, ا.بايتۇرسىن ۇلى اتىنداعى قوستاناي وڭىرلىك ۋنيۆەرسيتەتىن ءتامامدادىم. اتالعان ءبىلىم ورداسىندا ماگيستراتۋرا بولىمىندە وقىپ جۇرگەنىمدە «Kia» زاۋىتىنىڭ قۇرىلىسى باستالدى. سول كەزدەن-اق وسىنداي زاماناۋي, تەحنولوگيالىق زاۋىتتا جۇمىس ىستەۋدى ارماندادىم.
وقۋىمدى ويداعىداي اياقتاپ, «Kia» زاۋىتىنا ينجەنەر بولىپ جۇمىسقا كىردىم. ءوز باسىم وسىنداي الەمدىك بەدەلگە يە اۆتوكولىك وندىرىسىندە جۇمىس ىستەۋ ەكىنىڭ ءبىرىنىڭ ماڭدايىنا بۇيىرماعان باق دەپ بىلەمىن. بۇل جەردە ءاۆتووندىرىس الەمىندەگى ەڭ وزىق تاجىريبەنى ۇيرەنىپ, جاڭا تەحنولوگيالاردى يگەرىپ جاتىرمىز.
جالپى, كەشە عانا وقۋ بىتىرگەن كەز كەلگەن جاس تۇلەك جالاقىسى جاقسى جۇمىس تاپقىسى كەلەدى. ەتكەن ەڭبەگىنە قاراي لايىقتى تابىس تاۋىپ, وتباسىن قۇرىپ, ءۇي العىسى كەلەدى. ءارى قاراي ءوسىپ-ونگىسى كەلەدى. مەن قازىرگى جاستارعا وسى كەرەكتەردىڭ ءبارى تابىلىپ جاتقانىنا قۋانامىن. ەڭ باستىسى – ماقسات قويۋ كەرەك, سول ماقساتقا جەتۋ ءۇشىن تالاپتانۋ كەرەك.
وسى ورايدا, پرەزيدەنتىمىزدىڭ تىكەلەي قولداۋىمەن ىسكە قوسىلعان بۇل زاۋىتتى جاستاردىڭ, بولاشاقتىڭ زاۋىتى دەر ەدىم. سوندىقتان وزىمە جۇكتەلگەن جۇمىسىمدى ادال اتقارىپ, ەل دامۋىنا بارىنشا ۇلەس قوسۋدى پارىز سانايمىن.
ءامىر قاراەۆ,
«كia Qazaqstan» زاۋىتىنىڭ ينجەنەرى