17 قازاندا قازاقستان اۋماعىنىڭ باسىم بولىگىندە كەڭ اۋقىمدى انتيتسيكلوننىڭ ىقپالى جالعاسادى. سينوپتيكتەردىڭ مالىمەتىنشە, اۋا رايى نەگىزىنەن اشىق بولادى. تەك باتىس جانە سولتۇستىك-باتىس وڭىرلەردە اتموسفەرالىق فرونتتاردىڭ وتۋىنە بايلانىستى جاڭبىر جاۋىپ, قار ءتۇسۋى مۇمكىن, دەپ حابارلايدى Egemen.kz.
سونىمەن قاتار رەسپۋبليكا اۋماعىندا جەلدىڭ كۇشەيۋى كۇتىلەدى, ال باتىستا كەي جەرلەردە تۇمان تۇسەدى.
بىرقاتار وڭىرلەردە ءورت قاۋپى جوعارى دەڭگەيدە ساقتالادى. اتاپ ايتقاندا, ماڭعىستاۋ, اتىراۋ, اقتوبە, جامبىل, قىزىلوردا, الماتى, قوستاناي, اقمولا, ۇلىتاۋ جانە اباي وبلىستارىنىڭ جەكەلەگەن اۋداندارىندا ءورت قاۋپى كۇتىلەدى.