سولتۇستىك قازاقستان وبلىسىندا «نەلەگال» جەدەل-پروفيلاكتيكالىق ءىس-شاراسى وتكىزىلىپ جاتىر. ءىس-شارا اياسىندا كوشى-قون زاڭناماسىن بۇزۋدىڭ 200-گە جۋىق دەرەگى انىقتالدى, دەپ جازادى Egemen.kz.
120 شەتەلدىك قازاقستان رەسپۋبليكاسىندا بولۋ ەرەجەلەرىن بۇزعانى ءۇشىن اكىمشىلىك جاۋاپكەرشىلىككە تارتىلدى, 9 جۇمىس بەرۋشى شەتەلدىك جۇمىس كۇشىن زاڭسىز پايدالانعان دەپ حابارلايدى Egemen kz.
قازان ايىنىڭ باسىندا سولتۇستىك قازاقستان وبلىسىنىڭ رەسەيمەن شەكارالاس ايماعىندا ءۋاليحانوۆ اۋدانىنىڭ ءبىر تۇرعىنى دالادا كەزدەستىرگەن كۇدىكتى شەتەلدىكتەر تۋرالى پوليتسياعا حابارلاعان. پوليتسەيلەر ۇقك شەكارا قىزمەتىنىڭ اسكەري قىزمەتشىلەرىمەن بىرلەسىپ, شەتەلدىكتەردى ۇستاپ, ءمان-جايدى انىقتادى. تەكسەرۋ بارىسىندا ولاردىڭ ماروككو كورولدىگىنىڭ ازاماتتارى ەكەنى بەلگىلى بولدى. بۇعان دەيىن ولار شىعىس قازاقستان وبلىسىنىڭ شەمونايحا اۋداندىق سوتىنىڭ شەشىمىمەن مەملەكەتتىك شەكارانى بۇزعانى ءۇشىن ەلدەن شىعارىلعان. الايدا ولار بۇل تالاپتى ورىنداماعان. پوليتسەيلەر قۇقىق بۇزۋشىلاردى وبلىس ورتالىعىنا جەتكىزىپ, ولاردى كۇشتەپ شىعارىپ جىبەرۋ شاراسىن قامتاماسىز ەتتى.
سولتۇستىك قازاقستان وبلىسى