بۇگىن استانادا قۇرلىقتىق حوككەي ليگاسىنىڭ كەزەكتى تۋرى اياسىندا «بارىس» پەن «اۆانگارد» كوماندالارىنىڭ تارتىستى ويىنى وتەدى. ويىن ەلوردا ۋاقىتىمەن ساعات 19:30-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى, دەپ حابارلايدى Egemen.kz.
سوڭعى بەس كەزدەسۋدىڭ تورتەۋىندە ەلوردالىق كلۋب ومبىلىق قارسىلاسىنان جەڭىلگەن ەدى.
تۋرنيرلىك كەستەدە قازىرگى تاڭدا «بارىس» 14 ۇپايمەن 16-ورىندا, ال «اۆانگارد» 22 ۇپايمەن ەكىنشى ساتىدا كەلەدى.
«بارىس» وسى كەزدەسۋدەن كەيىن دە ءوز ايدىنىندا ونەر كورسەتۋدى جالعاستىرادى. 18 قازاندا كوماندا قازاننىڭ «اك بارس» كلۋبىن قابىلداسا, 24 قازاندا «امۋر» (حاباروۆسك) كومانداسىنا قارسى وينايدى.