قازاقستاندا تۇرعىن ءۇي قۇرىلىسى مەن ينفراقۇرىلىمدىق جوبالاردىڭ كولەمى ءوسىپ كەلەدى. بۇل تۋرالى ۇكىمەت وتىرىسىندا ۇلتتىق ەكونوميكا ۆيتسە-ءمينيسترى ازامات ءامرين مالىمدەدى. ونىڭ ايتۋىنشا, 2025 جىلدىڭ 9 ايىنىڭ قورىتىندىسى بويىنشا قۇرىلىس سالاسى 14,9%-عا ۇلعايعان, دەپ حابارلايدى Egemen.kz.
ازامات ءامريننىڭ سوزىنشە, ءوسىم ەلىمىزدىڭ بارلىق وڭىرلەرىندە دەرلىك بايقالعان. ەڭ جوعارى كورسەتكىشتەر استانا قالاسىندا – 41,8%, الماتىدا – 37,7%, سولتۇستىك قازاقستان وبلىسىندا – 27,3%, اقمولا وبلىسىندا – 26,4%, ال تۇركىستان وبلىسىندا – 25,5% دەڭگەيىندە تىركەلدى.
ۆيتسە-مينيستر سونداي-اق بيىل 12,9 ميلليون شارشى مەتر تۇرعىن ءۇي پايدالانۋعا بەرىلگەنىن حابارلادى. بۇل وتكەن جىلدىڭ وسى كەزەڭىمەن سالىستىرعاندا 3,4%-عا ارتىق.
مينيسترلىك دەرەكتەرى بويىنشا, تۇرعىن ءۇي قۇرىلىسى قارقىنى جوعارىلاعان وڭىرلەردىڭ قاتارىندا ۇلىتاۋ وبلىسى ء(وسىم 24,6%), الماتى وبلىسى (16%), تۇركىستان وبلىسى (8,4%) جانە جەتىسۋ وبلىسى (9%) بار. سونداي-اق الماتى قالاسىندا دا قۇرىلىس كولەمى ايتارلىقتاي ارتقان – 18,2%-عا وسكەن.