تاجىكستان ەنەرگەتيكا جانە سۋ رەسۋرستارى ءمينيسترىنىڭ ءبىرىنشى ورىنباسارى دجامشەد شودي شويمزودا ورتالىق ازياداعى سۋ ماسەلەلەرىن بىرلەسىپ شەشۋگە قازاقستاندا سۋ جانە يرريگاتسيا سالاسىنا ارنايى جاۋاپتى مينيسترلىكتىڭ قۇرىلۋى سەرپىن بەرگەنىن ايتتى, دەپ جازادى Egemen.kz.
ساراپشىنىڭ ايتۋىنشا ءوڭىر ەلدەرىنىڭ بىرلەسكەن كۇش-جىگەرى بيىلعى اپتاپ ىستىقتىڭ سالدارىن بارىنشا ازايتۋعا مۇمكىندىك بەردى, كەزدەسۋلەر قازىر الدەقايدا ءجيى, ءوزارا بايلانىس بۇرىنعىدان دا تىعىز.
«سەبەبى تەك بىرلەسىپ تالداۋ ارقىلى عانا سۋدىڭ تاپشىلىعى مەن قۋاڭشىلىقتىڭ سالدارىن ازايتۋعا باعىتتالعان وڭىرلىك ءتيىمدى شەشىمدەر قابىلداي الامىز. بيىل ءبىز وسى ىنتىماقتاستىقتىڭ ناقتى ناتيجەسىن كورسەتىپ, بىرلەسە ارەكەت ەتۋ ارقىلى قۋاڭشىلىقتىڭ اسەرىن بارىنشا ازايتتىق», دەدى دجامشەد شودي شويمزودا.