23 جاستاعى قالا تۇرعىنى اسەل سابىرباەۆا حاديا, حافيز, حامزا ەسىمدى ۇشەمدى دۇنيەگە اكەلدى. قىزىلوردالىق كەلىنشەكتىڭ بۇل العاش انا اتانۋى, دەپ جازادى Egemen.kz.
جاس انانى اكۋشەرلىك ءبولىم مەڭگەرۋشىسى ەرجانوۆا ارمان يمانعاليقىزى مەن اكۋشەر-گينەكولوگ قوسنازاروۆا فاتيما الياسقارقىزى بوساندىرعان. نارەستەلەردىڭ تۋعانداعى سالماعى قىز بالا 1996 گرام, ەر بالا 1938 گرام, ءۇشىنشى ەر بالا 1918 گرام بولعان.
«جۇكتىلىكتىڭ 35 اپتاسىندا مەرزىمىنەن بۇرىن بوساندى. نارەستەلەردىڭ تۋىلعان كەزدە جاعدايى اۋىر بولدى. جانساقتاۋ بولىمىنە الىنىپ, 2 كۇن اپپاراتتا جاتتى. وكپەلەرىن دامىتۋ ءۇشىن ءدارى بەرىلدى. قازىرگى تاڭدا نارەستەلەردىڭ جاعدايلارى تۇراقتى, انا سۇتىمەن قورەكتەنىپ, اناسىمەن بىرگە پالاتادا جاتىر», دەدى جاڭا تۋعان نارەستەلەردىڭ رەانيماتسيا جانە پاتولوگيا بولىمشەسىنىڭ مەڭگەرۋشىسى ينديرا بەكجانوۆا.