شىمكەنتتە كوكپاردان ەرەسەكتەر اراسىنداعى XXIV قازاقستان بىرىنشىلىگى مارەسىنە جەتتى. 15 كوماندا قاتىسقان باسەكەدە جامبىل وبلىسىنىڭ قۇراماسى ۇزدىك شىقتى, دەپ جازادى Egemen.kz.
ەلىمىزدىڭ تۇكپىر-تۇپىرىنەن جينالعان 180 كوكپارشى كوماندالارعا توپتاسىپ, 4 توپقا ءبولىنىپ سىنعا ءتۇستى.
ءار توپتان ۇزدىك شىققان كوماندالار جارتىلاي كەزەڭگە جولداما الىپ, ۇزدىك شىققاندار فينالدا باق سىنادى. جەتى كۇنگە جالعاسقان باسەكەنىڭ فينالىندا جامبىل وبلىسىنىڭ «اۋليەاتا» كومانداسى مەن شىمكەنت قالاسىنىڭ قۇراماسى كەزدەستى. تارتىستى سايىستا «اۋليەاتا» كومانداسى ءوز رەكوردىن جاڭارتىپ, قازاقستاننىڭ 15 دۇركىن چەمپيونى اتاندى. سايكەسىنشە كۇمىس جۇلدە شىمكەنتتىك كوكپارشىلاردىڭ قانجىعاسىنا بۇيىرسا, ۇزدىك ۇشتىكتى استانا قالاسىنىڭ كوكپار كومانداسى تۇيىندەدى.
ەلوردالىق قۇراما ءۇشىنشى ورىن ءۇشىن بولعان كەزدەسۋدە قىزىلوردالىق كوكپارشىلاردى 3: 2 ەسەبىمەن جەڭدى.